今日年初三, 公眾假期咁快就放完晒, 上班一族又要凖備返工喇, 阿女話今年少咗一日假期, 撞正初三係星期六, 本來都唔使上班; 想當年我仲返工期間, 都會係咁計住, 依家倒好懷念嗰種日子, 返工就係咁啦, 假期好重要嘛!
 |
| 4 /2011老細同事送嘅farewell咭 |
不經不覺離開工作單位快4年喇, 時間過得飛快, 今日竟然諗起當年過年嘅往事, 記得當年過年期間, 午飯時間, 左鄰右理會叫我帶D豬仔返去玩, 當年我都仲未養豆豆, 呢兩隻豬都逗唔少利士㗎 :)
雖然過年嘅氣氛一年比一年淡, 但我仍遵守番某種俗例, 一定會派利士比3隻豬仔, 算係保留住半新不舊嘅傳統習慣!
 |
| 2009年嘅波波同達達, 當時仲未有豆b㗎! |
舊年年尾真係超忙, 碰啱無工人幫手嘛, 一對手任我想點巴閉都有限, 但過年前嘅大掃除點都唔少得啦, 雖然我無潔癖, 但仍唔可以忍受家居環境污糟辣躂, 尤其有3隻豬仔, 比佢哋有一個清潔嘅環境好重要啦!
年尾忙忙忙, 呢幾日開始鬆懈, 整個人放鬆晒 :)
已經好耐未試過瞓晏覺, 竟然可以同3隻豬瞓一大餐, 瞓到過晒佢哋嘅晚餐時間; 3隻豬真係乖, 佢哋陪我一齊瞓覺, 雖然到咗食飯時間佢哋超敏感, 唔使睇鐘都知時間, 但佢哋無嘈, 好乖, 真抵讚!
其實將生活節奏調慢都無大不了啊, 希望我可以慢慢改變啦, 又唔係受軍訓, 無必要將一切拉得咁緊嘛; 今年3隻豬無過節食品, 但對佢哋又有咩影響? 我加咗餸後佢哋一樣食得咁開心啦!
至於我嘅大project, 都無必要過年前做好嘛, 反而利用呢幾日空檔時間, 仲無迫得咁緊啦!
不過3隻豬就唔開心, 佢哋對影呢類主題相超反感 :p
今年無為3隻豬蒸糕, 琴日同佢哋講數, 請佢哋用媽媽嘅年糕影番幾張相, 我答應好快做好; 唔知佢哋係咪真係get到, 都算順利完成到, 起碼無黑晒口面有笑容比到啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
