 |
| 相片連結 |
大年初一, 再正式同大家拜年, 祝小朋友們精靈活潑, 笑口常開; 大朋友就悠然自在, 活得精彩 :)
年尾要忙嘅都七七八八喇, 一切都大致回復正常, 應該係時間仲較為寬裕, 因為兩餐都會食齋同糕點嘛; 3隻豬仔一直都照正常飲食習慣, 我架輕就熟啦, 所以今日可以騰出時間做我嘅大project喇!
今年好幸運阿女再買到國泰同港龍航空嘅生肖羊, 因為數量唔多, 喺online shop無可能買到喇, 還好咁啱阿女出門嘅造就, 可以喺機上買到, 咁梗係想影相啦; 近幾年我都有儲呢兩間航空公司嘅生肖吉祥物, 不過要儲齊就無乜可能喇, 我之前都有missed 咗啦!
3隻豬一定覺得我好煩, 近幾年佢哋都好難乖乖咁坐定定比我影相喇, 每次影主題相都覺得佢哋好勉為其難, 好敷衍咁照我指示勉強就範, 但要交笑容就難辦喇!
近幾年嘅室內主題相佢哋都係燶口燶面, 好似好慘 :(
反而戶外相因為有其他吸引, 佢哋會較開心, 對住我高舉相機都唔會苦晒口面去抗衡, 所以日前出去影相都開開心心, 今日要做大龍鳳咁就笑容免問!
我都係盡快拎住相機連環猛咁"禁", 影到手騰脚震, 靚唔靚都無所謂, 但求我嘅相片日記唔會少咗某頁咁失真啦 ;)
 |
| 佢哋好鍾意張新地氈 :) |
今日鋪咗新地氈, 當然係為呢3隻豬仔而買, 之前有考慮用邊種質料最合我心; 最後決定試呢隻珊瑚絨, 真係超級柔軟, 踏上去舒服到暈; 3隻豬真係唔笨, 一試之下不知幾開心!
呢張地氈真係唔錯, 最大優點除咗係輕軟, 主要係可以用家用洗衣機水洗, 仲好快乾透, 其他質地真係無咩可能; 不過要用落先知是否值得再買, 要等等!
 |
| 3隻豬戴上長命鎖, 又靚又好意頭喎 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
