 |
| 還好精神尚算唔錯 |
琴晚半夜聽到波波作嘔嘅聲音, 即時跳落床檢視情況, 見佢有嘔嘅動作, "chok"吓"chok"吓咁, 但就無嘢嘔出嚟; 乾嘔完後佢就瞓過, 但我就眼光光等天光 :(
今朝早唔比佢食早餐, 要觀察吓佢嘅狀況, 但餵咗佢食一次 slippery elm, 希望有幫助啦; 到咗9am左右, 佢又嚟過, 都係乾嘔, 有聲音有動作, 但仍然係無嘢嘔出嚟!
咁情況我連午餐都唔敢餵喇, 但又唔知係咩原因, 呢個仔又要我擔心!
一連兩餐都無比佢食, 困咗佢入房, 唔使見到兩個女有得食佢就禁食咁陰功啦; 放咗佢落圍欄床, 佢猛跳猛吠, 咁都好, 起碼仲有食慾同精神!
之後拎晒D順勢藥出嚟睇睇, 睇吓有咩幫到我!
但望嚟望去都無for乾嘔嘅狀況, 無計!
試吓上網搜尋, 睇吓有無相關資料對呢個症狀有幫助, 好幸運睇到一段訊息!
文中提及可能狗狗係上呼吸道問題, 而氣管咽喉有不適, 想藉住嘔吐將卡喺喉嚨或氣管嘅痰液嘔出嚟, 一般主人見狀誤以為係嘔吐!
如果係咁我可以嘗試用順勢藥, 幫助佢上呼吸道嘅感染問題喎, 等我跟住指示咁去餵藥啦!
到咗下午4點幾, 又見波波再有嘔吐嘅動作, 不過今次嘔咗好多痰出嚟, 即係白色帶泡狀嘅黏液!
波波嘔吐後似係舒服咗, 咁情況又唔想佢太肚餓, 就餵咗一茶羹晚餐比佢囉!
見佢無再作嘔, 一個鐘後再餵一羹, 少食多餐慢慢試試點做係最妥!
 |
| 聽到廚房有聲喎 |
 |
| 快D去睇吓係咪有嘢食 |
 |
| 坐喺廚房門口等食 |
 |
| 得一茶羹, 好快食晒 :( |
 |
| 唔夠喉個樣好唔like, 仲唔比抹嘴仔 ;) |
期間補充咗寵物保曠力gel, keep住體力, 再定時餵氣管藥, 仲有聞氣幫助, 等痰液可以鬆咗, 希望咁可以平安渡過, 唔使又見醫生哥哥啦!
養呢3隻豬, 真係此起彼落無日比我好過, 總係要我擔心多多 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
