 |
| 相片連結 |
年初七, 俗稱人日, 人人生日, 生日要開開心心!
多謝A送比我嘅cupcake, 佢可能見今年我忙到無做主題食品, 特意送比我呢set靚靚羊年cupcake, 咁我又有得借題發揮, 同3隻豬商量商量, 影番幾張相喇!
然後會酌量比3隻豬品嚐一吓, 呢D係天然食材, 食少少唔怕啦!
影完相又要做大project喇, 達達要沖涼, 過年前到依家已經過咗十日; 近排天氣潮濕, 唔沖涼真係唔得, 而且達達係需要密D浸浴嘛!
一諗起一連串事前事後嘅工序, 真係唔想動手 :(
對twins應該會押後, 唔想做到腰酸背痛啦, 依家都會將要做嘅事分散一吓, 盡量調較時間, 唔想逼到自己連透氣都難!
依家每晚都要做好家務, 先有時間心情坐低整理個blog喇, 影咗D相又想玩吓花款啦, 咁不覺又做到夜深喇 :p
今晚又比個網上相簿玩死喇, uploaded咗D相上去顏色變到藍晒, 我再uploaded一次上FB又唔會啦, 點解咁唔穩定咁古怪㗎?
今次呢輯相就唯有用FB嘅連結啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
