 |
| 加隻電燈膽豆豆 :) 相片連結 |
遲嚟嘅祝福, 仍要祝大家情人節快樂!
琴日真係忙爆, 同3隻豬沖涼浸浴, 因為過年喇, 點都要用shampoo啦; 希望洗刷乾淨趕走晒D病符星, 哈哈哈, 真係夠晒八卦; 小毛小病無問題, 唔好嚇我就好喇!
一早知道連沖3隻豬會好攰, 無工人幫手, 事前準備同事後清理, 忙到甩轆都預計到啦, 本來無準備修剪毛毛㗎!
但吹乾晒毛, 見到幾隻豬D毛好長好似好潦倒, 新年流流意頭唔好嘛, 話我八卦都好啦, 唯有死死氣再去做!
由早忙到晚, 整理好3隻豬剛好趕得及出去食晚餐, 呢個情人節真係夠充實, 之後仲要將3隻豬嘅床仔被鋪全部清洗, 再set好番個圍欄!
琴晚攰到一早要瞓覺, 今日仲要繼續歲晚大掃除換床單, 全靠自己勞動真係慘, 最衰工人累我失咗接續請人要預算嘅時間 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
