觸感刺激

 
達達今日精神好咗, 早午餐都食得晒, 希望今晚都食得好啦!
琴日比較差, 整日瞓覺, 我由得佢休息多D啦, 希望有充足休息佢會快D好返, 頭暈都幾慘!

琴晚叫阿女幫佢做多兩節reiki, 我再放佢入籠聞氧氣, 用針灸筆刺激相關穴位, 佢都好乖好定; 我陪喺佢身邊自己就猛諗, 仲有乜嘢可以幫到佢, 突然記起我有順勢療劑spinobrain, 可以比佢試試!
達達對順勢療法一向受落, 之前佢有用過都好夾, 希望今次都有好嘅反應啦!

琴晚入夜佢都有好轉喇, 又開始刁蠻, 識鬧人喇😅 
見佢精神咗, 就聽老師指示, 先幫佢做觸感刺激, 分段練習 😊! 

聽日又去見老師做治療, 希望老師會係比我正面傳達, 話我知達達進步唔錯啦!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！