 |
| 相片連結 |
達達胃口唔好, 一日三餐衹有一餐食得順利, 佢唔同豆b, 可以餵食咁易處理, 佢唔食係完全無得逼, 會一手推開你; 非常苦惱, 超級難做!
Ka幫忙傳心呢個女又拒絕溝通, 唔肯講嘢, 咁點好?
Ka話同佢contact時有暈嘅感覺, 應該佢頭仔好唔舒服!
呢D問題獸醫無咩幫到, 都係比藥物, 已經食緊李醫生開嘅藥, 但情況依舊, 有D擔心; 本來約咗星期四見老師, 都要求提早!
琴日帶達達見老師, 老師話佢情況比上次差咗, 好頭暈, 亦有頭痛; 咁頭暈令佢有嘔心感覺, 聞到食物反胃想嘔, 所以無胃口!
老師幫佢主力舒緩腦仔唔舒服, 頭痛好快做好, 頭暈仍未完全停到😫!
 |
| 叫阿女做多兩節reiki啦 |
老師問佢有無受過刺激? 屋企有無變動? 阿女一路有reiki幫住, 又食住醫生開嘅藥補腦, 點解反而差咗無好到?
我真係諗爆頭都諗唔到, 呢幾日完全無變動, 點解佢會差咗我諗唔到, 真苦惱!
見完老師晚上算食得幾好, 其實琴日整日唔太壞, 三餐都清曬, 不過做完治療感覺佢食得較快; 都係時好時壞,口味不停改動, 盡量迎合佢啦!
今朝早餐又食唔曬, 都有可能加咗醫生嘅藥令食物味道變曬, 但唔媾埋食物係無可能餵到, 真係難做, 照顧呢個女十級難度高!
好自然諗起豆b, 佢真係好乖, 無胃口都配合我餵食, 餵落口佢吞曬, 豆b豆b, 你點解要走得咁快😭!
 |
| miss you so much, dau b! |
老師教咗我一D刺激佢腦神經方法, 等佢休息夠我就試吓做, 一樣一樣慢慢試, 唔想太急我同佢都難handle, 無壓力先會做得好!
本來上次見老師, 佢話達達見多佢兩次就好, 但琴日見咗個豬女, 治療要密D做, 過兩日又要報到!
連老師都話我D豬真多嘢麻煩, 養多隻係咁真係死得喇😵😵!
老師又要出門喇, 但佢話會 keep住用distance幫佢做, 腦嘅問題可大可小, 要監察得好!
我唔怕辛苦, 可以幫到我都願意做, 但求幫到呢個刁蠻公主, 步向康復嘅路!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
