 |
| 相片連結 |
琴日達達精神返D, 都肯食, 以為可以安樂D, 不過都約咗Ka今晚幫佢scan吓, 到底係乜事, 有無好嚴重問題; 當然reiki 唔可以代替診斷醫療, 但未有病徴又似有好轉, 諗住可以觀察住, 就比Ka feel吓有無見醫生嘅急切需要!
但今朝一早我都未起身, 就聽到達達大叫, 嚇到我魂飛魄散即刻衝去佢床前, 見佢側身瞓低無郁動, 淨係叫....
十級驚嚇, 望住佢完全無郁唔似發惡夢, 咁早又無醫生睇, 都唔知點算....
即刻請Ka幫忙傳心, 問吓達達有咩feel!
 |
| 無咩精神 |
Ka話達達無講嘢, 但佢scan到達達腦有事, 叫我帶佢睇醫生同搵老師做reiki!
咁早診所未開, 先whatsapp老師, 希望先幫吓達達豬 !
你心急時, 時間就過得特別慢, 終於約好時間, 老師要下午先得閒, 馮醫生原來放大假, 咁睇李醫生啦, 唔想再等喇, 但都要等到聽晚!
等待其間都要搵D嘢幫吓達達, 試吓無針針灸同場效應治療啦!
下午見到老師, 個心好似定晒, 佢scan到達達係頭痛, 呢個症狀唔係始於今日, 係長久以來都有㗎😨, 之前解釋唔到佢成日丫丫叫, 係佢有頭痛, 心情差, 又應該掹我唔知卦!
老師話達達個左腦右身都唔好, 但未到用差去形容, 咩運動區唔協調, 導致佢成日脚震震喇, 仲有腦嘅微絲血管都脹晒, 仆仆咁跳動, 但叫我唔使驚, 未到中風咁嚴重!
老師話達達有好輕微腦退化, 但佢讚我發覺得早, 呢個情況佢可以幫到!
仲有好多詳細嘅解釋, 我接收到個腦裝唔晒, 太複雜喇!
總之, 我知道達達嘅病係有得攪, 咁就安樂晒; 老師話叫阿女集中幫達達reiki個頭, 聽晚見醫生再睇有咩建議, 下星期再去見老師啦!
達達見完老師情況有好轉, 返到屋企瞓到熟晒!
豆b先走咗半年, 波波又多多事, 叫做目前keep住有好轉, 以為可以鬆一口氣, 點知又到達達出事, 真係咁難有安樂日子
!?還幸一切唔太遲, 有得幫已經係好事, 有機會逆轉已經係恩賜, 我要正能量面對以後嘅未知!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
