 |
| 善用時間做reiki |
琴晩帶達達見醫生, 阿女陪我去!
到約定時間, 仲等咗好耐, 話有狗狗在內應診, 可能症狀複雜; 明白診症好難預時間, 未診斷未見醫生, 又點知有幾困難複雜?
雖然心急但體諒, 呢種經驗我太豐富啦, 我以前做人嘅診所嘛!
喺等待期間, 善用時間, 阿女用reiki幫達達!
自從見過老師, 達達係有好轉, 最明顯係食嗰方面, 已經完全正常返; 之前兩日, 比平時嘅蒸肉, 佢拒絕進食條脷仔好似喺度打轉, 唯有比baby food啦, 咁佢就食得完全無難度啦; 我當時係以為佢因為傷風感冒胃口唔好, 想轉換吓口味, 點會料得到有關個腦😵😨!
終於入診症室見醫生作身體評估, 我詳細講述達達前朝早突然大叫又唔郁😓!
醫生幫達達做檢查, 膝關節唔好...我知道, 還好肌肉唔強但都無萎縮, 最好游水去強化肌肉.
聽心肺呼吸正常好清好好, 再睇返一個月前驗血報告各指數, 各方面都算係唔差嘅讀數, 當然並唔完美有小問題我係知道!
醫生話唯一腦同心, 要知個大概驗血係睇唔到, 心仲可以聽診作個初步評估, 但達達聽診係幾好, 咁就focus喺個腦!
我有講及三年前達達後盤搖擺去見Dr tint, 被評估呢個問題係有關腦神經傳導.
Dr lee話睇腦要MRl先睇到, 達達無明顯病徵, 無側身無抽筋行得到, 其實表面睇係一切正常, 祇係有輕微腳震, 行得唔多好, 但情況唔嚴重, 無可能作有風險嘅麻醉去揾原因啦!
都係先作臨床評估, 問咗我好多問題, 日常生活細節, 達達嘅反應等等, 再測試吓神經反射, 評定有輕微腦退化跡象, 都係腦神經影響係主因!
腦構造好複雜, 而導致腦神經有事更難defined, 曾受感染發炎, 曾受撞擊傷害, 甚至出生時喺媽媽產道出過狀況....個真正原因唔易搵到!
醫生話達達症狀好初期, 建議主力保充營養作維護, 先開一個月血液循環藥幫助腦神經康復, 再用相關supplement去修補!
醫生嘅診斷同陳老師講嘅吻合, 都覺得係個腦仔嘅問題, 但老師可以知道達達有頭痛, 微絲血管發脹等等, 用另類治療鑽得更深入!
當然做reiki治療要同醫生醫療配合, 達達就朝住呢個方針而行啦; 請老師reiki幫達達協調腦神經, 有老師幫忙我同達達好幸運, 老師係認可腦神經治療師, 有佢幫助我好放心!
一於請老師幫忙配合李醫生, 另類療法加適當藥物同supplement!
以前, 我都只會相信醫生, 自己做咗人嘅診所護士20年, 接觸都係西藥同傳統醫生, 所有醫療都盲目相信科學根據, 對另類療法唔會信任, 覺得係呃人!
今日, 從狗狗身上, 見証到以前我認為係呃人嘅技両, 對我幫助咁大, 覺得以前嘅自己好愚眛, 點可以自己未接觸過, 未探討過, 無求知過就認為係呃人呢!?
顧小培博士工作於西藥研發機構, 有好多有關西藥研究嘅銜頭, 大家可能都喺you tube睇過佢嘅視訉, 作為曾深入研究嘅學者, 都相信supplement去幫助強化身體健康, 有時猶勝藥物!
主流醫學當然唔可以抹殺其重要性, 救命都係要靠醫藥醫生, 無咗大醫院真係會死人; 不過都可以留心吓其他非主流另類療法, 作為輔助也好, 或者受唔到某種醫療服務, 可以多一個選擇, 唔使諗已經無路可行!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
