 |
| 相片連結 |
姊妹們從不同國家回港, 點都要抽空出去聚一聚, 幾年先返來一次, 唔見個面自己都過意唔去; 自從養咗呢幾隻豬仔, 總係唔放心將佢哋留低, 好多朋友親戚間嘅聚會, 都好少再參與, 不折不扣做咗個宅女😏!
親朋戚友話我過份投入, 意思係自己攞嚟衰😅, 但我enjoyed同我嘅豬仔一齊, 亦唔覺犧牲咗自己嘅興趣, 自己感受到快樂係絕對!
 |
| 茅屋芝士羊奶南瓜蛋糕 |
琴日又為兩隻豬仔焗餅, 用多D茅屋芝士焗個餅好香, 兩隻豬仔好捧場; 邊個話我有犧牲? 其實有更多得著, 起碼因為佢哋, 我學識咗做糕餅😊!
 |
| link: 達豬食kefir |
早前曾為豆b學做kefir, 但發酵唔成功, 已經無晒興趣, 但今次阿女試做, 又好成功做得好靚; 拎咗比兩隻豬仔品嚐, 波波超鍾意, 達達麻麻哋, 但都肯食, 算係食到一茶匙嘅足夠份量, 都有益於佢身體健康嘅😋!
網友SC笑佢哋每日有食神, 唉難得佢哋有胃口啦, 肯食比我最大動力, 見佢哋食得嗞味我身心歡暢😁!
有養狗狗嘅一定同意, 佢哋無胃口食時, 我哋連覺都瞓唔著😖!
今日又整bone broth, 希望佢哋有足夠營養!
 |
| 一見食到清碟就安樂😃 |
阿女就keep住幫佢哋做reiki, 達達明顯比之前有改善, 見佢食嘢時候脷仔郁動得好正常, 唔會好似之前咁邊食邊跌喇; 當然我相信藥物幫助係主要, 琴日已經再配藥, reiki係輔助性治療, 但相輔相成作用都有一定影響👍!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
