今日11月 1日, 去番月曆新一頁, 猛然一醒發覺自己好失魂, 達達生日係 11月24日, 攪乜我早咗成個月同佢慶祝生日?
原來擔心個寶貝仔波波, 攪到我失咗七魄三魂!
無所謂啦D名人都密密排滿期咁慶祝生日, 達達係公主身份, 慶祝多一次切合身份😅!
連日來多謝陳老師, Ka同阿女盡心盡力幫波波, 雖然無見到預期效果, 視力好似依然故我, 但總算保住無發炎無其他大礙, 我哋都無放棄過; 其實波波曾經好似好咗好多, 完全唔似有任何視力障礙, 只係佢時好時壞, 有時又郁都唔敢郁淨係坐, 令我猜唔透究竟能量治療有幫到幾多!
 |
| 有時真係睇唔出佢有咩唔妥 video |
無可否認我會比佢表現帶動我, 見佢表現好咗我梗放心好多, 但見到佢瑟縮一角我覺得係一種折磨, 其實我明白咁樣好唔妥!
阿女又訓導我, 應該係我比正能量lead住波波, 唔係掉轉比個病者影響我😅, 係我要比正面影響佢, 等佢可以好好咁過!
與其希望佢睇到, 無論係影係光, 其實都好渺茫, 即使做盡治療, 都無可能幫到佢視力永保, 衰退係自然定律, 不如早D幫佢學習適應仲好!
今日我開始狠下心腸, 由得佢唔郁, 都唔去抱佢返上床, 見佢唔敢行伏低瞓地下, 其實我好心痛, 但唔練習又點會學得懂啊!
眼仔呢個issue已成定局, 我唯一可做要保住佢唔發炎就好, 但都唔排除有任何變數, 只好盡力去做!
仲有身體其他問題我都要照顧, 可以做嘅我都盡做, 朋友介紹嘅醫生唔收新症我都無符, 唯有喺既定程式再搵出路.
我有懷疑波波用西藥受唔到, 之前有同醫生商討, 佢叫我試吓停服睇幫唔幫到; 但on and off咁去似乎唔多好; 人服藥都會睇情況調較藥量, 每個人反應唔同, 要根據情況增減份量, 我諗動物都一樣啦!
波波食藥後反應大,食咗短時間蛋白尿情況就好晒, 即係呢隻藥對佢影響好大, 其實睇佢嘅報告仲有走動嘅空間, 我何妨試吓將藥量輕微咁減, 好過佢攰到一日到黑大昏迷咁瞓覺!
已經試咗一星期, 用試紙mon住, 暫時一切正常, 咁我再試吓再稍減; 但求keep到蛋白尿喺正常range內, 但又唔會影響佢正常作息太大啦!
雖然有時好氣餒, 好迷失, 又覺得自己好失敗, 做咗咁多已經唔識分係好定壞, 感覺無力向前行; 但望住我最鍚嘅波波, 仍好慶幸仲有照顧佢嘅機會, 呢種幸福唔會永遠保有, 我會好好珍惜同兩隻豬相聚嘅每個時間!
繼續同佢哋去行街街, 無論睇唔睇到, 都比波波感受吓外間嘅空氣有唔同!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
