 |
| 相片連結 |
無咩要update, 兩隻豬仔留守屋企, 仲係假期街上多人唔想出去, 如果又撞正D頑皮仔就激氣; 早兩日出過去, 一出電梯遇到一大群人, 波波對耳仔已經豎起, 自從佢睇唔到, 比以前更加緊張, 感覺到氣氛有異我就怕咗佢!
九秒九推住架車仔突圍, 以為出到後街就唔使波波咁翳氣, 點知今次遇到個頑皮仔, 追住架車仔扮狗吠, 波波就喺車上亂跳亂撞, 用盡全力猛吠做對抗, 達達又幫拖, 嘈喧巴閉真激死; 我行快D佢又追快D, 我跑佢又跑, 佢嘅家人仲哈哈笑跟住當睇戲!
咩mood都無晒, 唯有唔行, 急急腳返屋企, 咁難等到暖嘅天氣, 以為可以同佢哋鬆口氣, 點知咁激氣😠!
唔知無養狗嘅人係咪以為玩狗係天經地義, 完全唔會尊重人哋, 咁教育D小朋友真可悲!
記得好多年前喺平台遇過兩個小朋友, 佢哋嘅家教無得頂, 當日我都有po文讚佢哋; 有禮貌, 識問准我先行近D豬, 見波波開始吠佢哋唔郁, 比時間狗狗冷靜落嚟; 波波都會感受到佢哋無惡意, 好快收聲, 仲比佢哋摸佢!
可惜呢D小朋友我好少碰到, 碰親多數係頑皮仔, 攪到我一見細路就腎上腺升高, 可能都影響咗兩隻豬!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
