 |
| 相片連結 |
天氣咁凍, 街上嘅浪浪真係好慘, 不過最慘嘅係比人遺棄或者走失嘅寶貝, 原本室內餵養, 求生本能一定下降啦, 咁嘅天氣被放逐街上真係不堪想像!
呢兩日網上都見有失狗嘅post, 好彩嘅可以遇到好心人暫養, 不幸嘅後果唔敢去想!
大家請小心照顧好毛小孩, 走失真係好慘, 棄養嘛, 簡直推佢落深坑一樣, 嗰種苦況太淒涼!
望吓身邊兩隻豬, 如珠如寶, 唔敢講自己養得好, 但總算無怨無悔去付出, 動物行為治療師戴更基醫生出過post, 佢話覺得一隻狗嘅幸福不在於你有幾多錢, 而係你有幾多時間比佢哋陪伴!
如果咁定義為幸福, 咁...我兩隻豬係幸福嘅, 最少勝過以前養嘅5寶; 以前我仲要返工, 時間真係欠奉, 依家嘛, 我差不多已經將所有時間進貢!
其實好多謝我所有豬仔嘅日夜陪伴, 豐富咗我嘅生活, 比我更深感受到愛與被愛; 小小一個毛孩影響好大, 無養狗狗嘅可能好難理解得到😊!
寶貝豬, 要加油要身體硬朗, 就算有病有痛, 媽媽一定支持陪住過渡, 我哋仲要一齊行更遠嘅路啊😘!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
