 |
| 相片連結 |
今日立春, 即係正式踏入狗年, A提醒我話今年係兩隻豬仔嘅本命年, 佢哋屬狗, 犯太歲呀!
其實我對呢D無研究, 唔係好識點補救, 不過依家互聯網上乜都有, 就上網搜尋; 睇咗好耐, 淨係接收到最簡單可以戴個兔形飾物, 其他太繁複嘅我個腦好難吸收!
反正戴個飾物好簡單, 就不妨買個安心去將就, 心理上比到保護兩隻豬仔, 減少不利沖擊隱憂!
A好幫手, 佢話幫我淘兩個小巧輕身, 不過無咁快到手, 叫我可以拎D毛公仔放床頭, 今年馬, 兔, 虎對肖狗都係大吉!
屬虎嘅公仔我無啊, 但屬兔屬馬都有😄!肖狗嘅狗年狗狗, 踏入12歲喇, 呢個循環相信祇會出現一次喺佢哋嘅狗生, 做得嘅就做吓大家安心!
今日都係好凍, 帶兩隻豬出去散步無可能, 都只好喺屋企兩頭騰然後大覺瞓; 兩隻豬算好乖, 黐住媽媽就安心, 做熱敷仲舒服到瞓😊!
作為毛孩媽媽, 都無咩大要求喇, 年紀漸長身體健康最難求, 但願佢哋有精神有胃口, 瞓得屙得已經足夠 !
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
