 |
| 相片連結 |
同V傾談過後, 對管理波波健康有個大概方向, 個人比較安定!
一個人遇事真係要冷靜, 反正波波唔係急症, 我可以慢慢調整, 用佢可以接受到嘅途徑!
不過常人難免有思想上衝擊, 還好我每次都係初頭騰雞, 但尚算好快冷靜, 會接受現實, 再去搵可行嘅程式!
我會試用返西藥, 但用波波接受到嘅劑量, 希望調較到佢嘅蛋白尿去返正常水平, 因為呢隻藥同好多其他中西草藥都有conflict, 所以唔會亂加其他藥方去做呼應喇!
暫時用食療輔助, 等一切都安定, 再用其他做調整!
同V討論過後有一個概念, 有一個指標, 唔會心慌意亂似盲頭蒼蠅, 多謝V嘅support, 雖然條路係難行, 仲要摸索可能又撞板, 但正如V所講, 雖然艱難, 但當安定落嚟, 有心就會事成!
多謝鼓勵, 為咗個仔, 我一定會撐💪!
上週末行寵物展有D離魂狀態, 根本無心機行, 見到咁大群人聚集有D煩, 多人嘅攤位我更怕; 叫阿女幫兩隻豬揀小食啦, 唔要高蛋白肉類, 風乾肉唔啱, 但要嚴選優質材料呀!
其實揀選佢哋嘅零食超難, 老人家無牙嘛, 要揀選嘅有局限, 結果揀咗3款餅餅, 有南瓜鬆餅, 雪山氂牛蜂蜜乳酪餅, 山羊奶蜂蜜餅餅, 店員叫我試吓, 天然食材人都食得㗎; 我試過入口好鬆化, 希望豬仔鍾意啦!
結果得波波捧場, 達達唔吼, 試都唔肯試吓😩; 做人父母真係唔易㗎, 做毛孩媽媽一樣唔簡單!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
