琴日梁醫生來電, 話波波蛋白尿報告又差咗, 中藥幫佢唔到, 叫我比佢食返西藥算!
我話約咗星期一覆診, 到時商討可否中西藥合併去做, 我表明唔想用西藥, 西藥好似令波波個世界都反轉; 反正從西藥過渡到中藥期間, 波波表現都好好, 減少西藥再用中藥輔助保肝腎,可唔可以作咁打算?
梁醫生反應好奇特, 佢話唔好咁做, 反正中藥無幫助, 覆診都無用, 星期一嘅預約可以cancelled!
當然佢咁反應比我感覺唔好, 但人哋叫唔使覆診, 再多講亦無用!
心情當然唔好, 整晚上網揾料, 睇吓仲有咩方法😞; 但睇得越多越心亂, 好怕弄巧成拙!
半夜兩點多, pm好朋友V求助, 佢呢方面知識多, 以前一直有幫我!
 |
| 兩隻豬都有虎兔各一掛喺床仔保平安 |
無諗過今早7點幾, 佢就回覆咗我, 好長好長嘅一篇分析, 亦做咗好詳細嘅research啊; 真係超感激又感動, 原來當我有困難求助, 呢個好朋友係唔會離棄我!
今晚我哋再詳細傾過, 佢解釋得有邏輯有條理, 比任何醫生更清楚; 好多謝好朋友相助, 喺我心亂無方向嘅時候, 比咗正確指引我!
波波好幸運, 有貴人相助, 呢方面又要多謝好朋友A幫我; 之前以為為波波攝太歲要用玉兔, 原來有分類, 多謝A幫我買完兔仔又去搵老虎, 老虎主健康, 最重要啊!
不過.....今晚要多謝隻兔仔囉😄!
今日寵物展, 其實無心情去, 不過一早約好咗朋友, 爽約就好衰; 真係無咩心機行, 不過有阿女陪我去, 佢睇我就跟住佢!
買咗少量零食, 最特別算係呢個罐頭, 話係鹿最靚嘅部位, 封咗落罐先烹調, 保留原汁原味, 就算挑食狗狗都會打開味蕾😋!
行咗好短時間, 跟住一齊去開餐, 返到屋企趕同兩隻豬洗白白, 預告天氣又再開始冷喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
