 |
| 相片連結 |
天氣持續寒冷, 咁凍嘅日子為兩隻豬仔保暖要好小心, FB上見到好多狗狗誘發氣管心肺毛病, 好不幸要入急症室, 更不幸嘅係未能保命實在太傷心!
兩隻豬仔係高齡犬, 所有細節都唔可以掉以輕心, 保養方面要更留神, 當務之急當然係保溫!
要好小心控制住室溫, 亦唔可以完全密閉窗戶, 同兩隻豬仔著衫保暖, 又要關顧唔好焗住皮膚, 適當時候要除衫疏通皮毛; 每件事我都盡力去做, 只求平安過渡, 唔出特別狀況就好!
呢幾日真係特別凍, 收埋咗嘅電暖墊再出動, 呢張電墊一向係豆b專利, 佢走咗之後我無拎過出黎喇; 如果佢未走, 咁凍嘅天氣佢一定同張暖墊合體, 我想像到個畫面好生動😂, 睹物傷情, 呢隻怕凍豬仔即刻出現喺我腦中; 不過, 豆b依家喺彩虹橋一定如沐春風, 已經唔會再凍凍😘!
 |
| 豆b最後用呢張電墊嘅日子 |
朋友要移民澳洲, 佢哋帶埋松松, 無奈唔可以同一機倉又要隔離檢疫, 呢個情況令我哋一眾狗友憂心忡忡; 無嘢可做祇能遙遠祝福, 願小DD一切順利, 萬事安好!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
