真係好多謝De嘅幫助, 幫波波張羅適合嘅中藥方, 仲陪埋我去執藥, 因為我呢個媽媽好緊張, 自己唔識中藥材, 怕藥材鋪一下執錯就幫倒忙!
好感激De嘅耐性, 每隻藥寫上藥名叫我影相, 慢慢比我認識!
呢段期間作過好多考量, 亦參考過幾個朋友嘅意見, 有想過完全停西藥, 但經過努力求証, 再同De商量, 最後決定中西互補去幫忙!
之前同朋友F講起想quit咗西藥, 比波波轉用中藥, 但F唔同意, 佢話呢年幾來, 見波波試過單靠中藥, 西草本, 順勢療劑都幫唔到, 直到用咗呢隻ARB類降血壓藥, 先可以keep到蛋白尿指數下降!
佢話即使中藥可以降壓, 但唔代表可以幫到蛋白尿, 而咁多類降血壓藥中, 對蛋白尿有幫助嘅都只係得A類有提到可以幫!
蛋白尿唔處理好波波好快會走向腎衰呢條路, 而停吓用吓隻西藥都應該知道對血管唔好, 佢唔建議我咁做, 況且...好大機會quit咗西藥後, 結果係再次原地踏步!
明白西藥嘅副作用, 而且波波用西藥身體反應又唔好, 即使蛋白尿有好靚讀數, 但無晒生活質素, 呢個狀況我唔想再見到; 但F分析得好好, 如果可以退一步, 就如我一直希望嘅, 用細劑量西藥幫蛋白尿, 前題唔影響波波嘅精神胃口, 再用中藥固本, 咁中西合璧我係可以接受到!
當日睇梁醫生, 試quit咗隻西藥嘅過渡期, 一邊用中藥, 一邊用少少西藥, 波波報告都好好; 直到完全無用西藥幫助, 單靠中藥佢蛋白尿指數又再升高; 然後梁醫生就話中藥幫唔到, 又話唔好中西藥並用, 叫我跟返之前醫生用西藥算數!
其實聽佢喺電話咁交代好奇怪, 完全無空間商討, 可能佢嫌我呢個媽媽太多問號, 又可能佢再無其他中成藥可以幫到, 更可能我哋嘅atmosphere夾唔到!
再三睇過之前我search嘅一篇報告, 內容有如下報導, 明明見到話....
選用西藥降壓的同時, 配合調節升降、補益肝腎功能的中藥, 對保持血壓的穩定和保護腎功能有良好作用
但又好擔心真係如梁醫生所講, 中西藥唔可以並用.....
高血壓腎病的用藥指導
高血壓腎病患者服用降壓藥以保腎護腎為主。高血壓患者無論是不是發展到了高血壓腎病階段，在選用降壓藥時都應該以無腎毒性藥物為準，如果能夠起到保護腎臟功能的藥更好。研究表明，血管緊張素轉換酶抑制劑、血管緊張素受體拮抗劑、鈣通道阻滯劑和β受體阻滯劑在降壓的同時都有保護腎臟的作用，就高血壓的治療而言，如在選用西藥降壓的同時，配合調節升降、補益肝腎功能的中藥，對保持血壓的穩定和保護腎功能都有良好的作用。
首選ACEI、ARB類藥物：這兩類藥都是對腎臟有保護作用的降壓藥，可以降低腎小球內的壓力，減輕腎臟的工作量，還有抗炎、抗纖維化的作用，也能保護腎臟，減緩腎臟發展成為尿毒症速度。其使用原則是早期、早量、長期、聯用。在使用這兩大類藥物時，應密切觀察病人血清的肌酐和血鉀。中醫唔清楚西藥, 西醫又話唔識中藥, 要點先知道我比波波嘅中藥, 有無同西藥相沖? 咁究竟要點做好?
個腦浮起林醫生, 雖然佢搬到去好遠, 波波嘅case已經無比佢followed, 但我信佢真心想毛孩好, 都可能會肯比我忠告.
厚住面皮發短訊, 等佢回覆, 喺等待同時, 我又google上腦!
原來勤力係有回報, 呢幾日不停上網搜尋中西藥併用嘅資料, 結果終於比我搵到, 可以知道中西藥交互作用; 資料有好清楚列出乜嘢中西藥唔好一齊用 / 要隔開用 / 要調整劑量再用; 結果經過對照下波波藥方有三種中藥要調整劑量, 其他都無相沖!
用藥方執藥隨時可以因應狀況作改動, 用複方成藥就做唔到喇!
然後收到林醫生回覆, 佢真係好好, 我無諗錯佢真係肯比我答覆, 仲好關心波波病情比咗D有關資訊; 佢話中藥係可以幫助調理身體, 中西藥可以同用, 但前提係要經過望聞問切, 再給予適合嘅處方就好!
好開心, 終於確認中西藥可以並用, 要更安全我相隔耐D時間就好!
雖然波波今年係本命年犯太歲, 但有A幫佢準備好攝太歲嘅吉詳物, 有咗呢個保護, 波波真係遇到貴人相扶; 自己都覺得好好笑, 好似越來越偏離一般人接受嘅正路, 但可以做嘅何妨去做, 就當我八卦都好, 心安理得去做, 只要波波好!
希望今次行啱路, 得到係結果好!
 |
| 好大劑啊😝! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
