 |
| 相片連結 |
今朝一早又去梁醫生診所, 拎咗波波嘅第一次尿尿做UPC化驗, 我已經預計到結果唔會好, 事實我自己有用試紙監察到!
停晒西藥後蛋白尿報告差咗, 梁醫生亦嘗試咗改變藥方, 但蛋白尿情況未能受控, 從試紙嘅數據係睇到, 似乎又原地踏步😓!
我抗拒西藥都係因為個仔承受唔到, 但如果用低劑量配合中藥可以幫到, 我唔會咁頑固, 希望用最低劑量嘅西藥可以控制到尿蛋白,再用中藥做保養, 肝腎可以保護到啦!
波波係轉換中藥其間, 一路有將西藥份量減, 精神胃口報告都好好, 希望用中西合壁嘅方法可以搵到平衡, 可以咁理想就好喇!
星期一見梁醫生再商討, 睇吓有無改善空間會有進步, 講真我已經學習緊唔好太在意一個報告, 數字會因應情況有上落, 祇要唔太離譜就好!
波波達達年紀漸老, 身體器官必然有退步, 驗血會有D item 略高, 祇要佢哋仍然保有基本生活質數, 我唔想再緊張兮兮攪到大家都負能量高!
可以做嘅就盡力做好, 追求完美棧徒勞, 兩隻豬近來生活作息都幾好, 我prefer睇佢哋整體表現多於一個報告!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
