 |
| 相片連結 |
狗年嘅年初二, 我兩隻生肖屬狗嘅豬仔, 要同大家拜個年, 祝大家萬事如意精神爽, 寶貝們精靈活潑身體健康！
年尾時忙忙碌碌身心疲倦, 新年假期工人姐姐放假, 自己又要做阿四無得休息, 只可以偷D時間同兩隻豬稍作嬉戲, 其實自己攰到C😝!
雖然過年, 我仍惦記為波波嘅蛋白尿搜尋資料, 有朋友窩心幫忙當然感激, 但自己事始終唔可以靠晒人哋, 人哋都有自己嘅事要處理嘛!
雖然V會幫我搵有關草本資料, 我仍要有兩手準備, 自己研究吓仲有無中藥可以幫到隻豬!
之前兩位用中藥嘅獸醫, 都係用中成藥複方, 唔同人嘅中醫把脈後因應身體狀況開藥, 最後睇呢位, 碰到唔夾仲決定撤退😓!
A提醒我試搵開方嘅中藥幫忙, 可能仲有空間用中藥, 已經聯絡咗網上朋友為波波開咗藥方, 等假期之後就可以試試, 有D緊張啊!
仍希望可以用中藥, 就算單憑中藥唔可以幫忙, 都希望要用西藥時有中藥保住肝臟腎臟, 不過又要花更多時間去確定, 用呢種ARB降壓藥有無同藥方有相撞!
用藥真係要好小心, 每個細節都唔可以忽略, 可惜搵唔到醫生喺呢方面幫我, 唯有靠自己摸索!
叫自己首要戒心急, 再三求証先開始, 希望會為波波症狀搵到新方向!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
