 |
| 相片連結 |
年紀大機能衰退係成正比, 見到達達腦退化情況近日變差咗,其實係意料中事, 但個心仍然希望係外來因素影響, 然後又猛搵資料睇吓有乜嘢仲可以幫佢!
達達傾向想抽筋嘅次數近來密咗, 以前成半年一次, 見佢手仔縮起我當佢係氣血不通所導致, 但近日頻頻見佢有呢個現象, 上網睇資料都話係個腦放電唔協調, 不過呢個係果, 但個因...我唔知!
如果諗到去最差, 腦有腫瘤都係無得醫, 不過今次我從無諗過佢係有関呢種事, 其餘有關因素逐樣排除後, 我都覺得佢係腦仔神經出問題引起, 可能細時受過傷嘅後遺症, 亦可能本身腦退化所致!
上次同達達見醫生時都有提起過腦退化一事, 醫生都係話正常退化都係無得根治, 可以用藥物控制到已經係好事, 有D去到最嚴重嘅case, 連比藥物都無晒意思!
諗起以前叻叻抽筋嘅畫面我好驚, 見佢不受控制咁典來典去, 我呢一世都唔可以忘記!
所以達達有傾向抽筋嘅徵狀我特別留意, 我好怕好怕呢種畫面要再面對多一次😭!
喺情況仲係輕微時, 除咗用順勢療法治療, 再加上無針針灸相關穴位, 再用原始點推按, 希望每次都可以順利, 喺第一時間將腦仔不正常放電終止!
原文連結:https://www.facebook.com/1938241096405711/photos/a.1958112141085273.1073741830.1938241096405711/2116914035205082/?type=3&theater
跟據原始點醫師指示, 多按壓枕骨下不但可以將抽筋終止, 仲可以減少病發頻率, 我一定要做多D!
不過達達唔比我用手按, 唯有用針灸筆刺激相關穴位, 再用按摩器按多幾次啦!
求上天比我幫達達, 千萬唔好比佢抽筋, 我真係怕得要死, 頂唔住啊😰!
日子仍要正常咁過, 我會積極想辦法, 擔心都無補於事; 發放正能量, 帶兩隻豬出去, 要過得開心D, 繼續happy😄!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
