波波仍然困籠, 但腳仔進展唔大, 唔知佢真係用唔到力還是心理作用, 佢可以行, 忘形時喺籠內用兩隻後腳企高都夠膽, 除咗poo poo佢轉圈同用力似有困難, 其他無見到明顯傷患好大, 我唔認為帶佢見醫生有幫助, 但都要有人望望佢情況到底有幾壞!
book咗物理治療師上門做復健, 喺屋企波波應該壓力稍減, 我盡量照顧佢嘅情緒, 希望喺熟識環境佢唔會太抗拒啦, 不過輪候需時, 唯有繼續困籠等佢休養, 間中放監!
 |
| video 無行一段仔時間, 又緊緊張張位置唔記得晒 |
波波係行到, 但感覺佢就住就住, 都唔敢用正常力度去行, 做物理治療經穴按摩, 對筋骨損傷有實質幫助, 佢無斷骨甩骹, 應該比見醫生更有用啦!
自己無學過按摩又無正式資格, 亂打亂撞幫助唔大, 都係要請有牌按摩師幫忙喇!
我以為呢D小損傷唔難搞, 但見佢拖拖拉拉總未好返, 壓力不斷增加, V叫我要自己放鬆, 佢感覺我壓力大😖!
平靜日子好短暫, 年紀大機能退化成正比, 無得討價還價😓!
今次focus喺波波腳患, 上天無要我A+B食全餐, 達達暫時under control, 可以睇少一眼, 呢隻小器豬仔都係唔敢讚😜!
養咗咁多年狗狗, 接觸到越來越多不同病患, 真心感覺要做好照護好難, 仲要網絡上見到好多負面醫療事例, 無助感更大, 感覺前路茫茫, 狗狗有事唔知要點打算喇!
自問有太多不足, 回望有太多遺憾, 波波達達會係我最後嘅狗狗, 喺佢哋有生之年我傾盡全力照顧啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
