 |
| 相片連結 |
早兩日又發咗一個夢, 夢見豆b, 但佢個樣好唔開心, 我好心痛!
唔係話彩虹橋上無憂無慮, 之前傳心都話見到豆b健康活潑, 點解我見嘅畫面咁唔同?
阿女話豆b當然開心, 佢一向係開心果, 我發呢D夢祇係因為波波唔舒服, 有壓力下發嘅惡夢!
我真係甚少發夢, 可能真係被無形壓力操控; 因為發夢見到豆b, 又牽引出思念無窮, 琴日猛睇佢嘅video, 想念無窮無盡!
喺3隻豬當中, 豆b最表情豐富, 一雙大眼仔將自己嘅意願表達得透徹玲瓏!
最懷念我每次去洗手間時, 佢第一時間飛跑過嚟陪伴, 爭取同我獨處嘅時空, 就算我已關門佢都會喺門外等候....
凡此種種, 一諗起就心情激動, 眼淚自然蒙喺眼中; 仲有佢臨走嘅眼神, 每次諗起都勁心痛, 有如尖錐直刺心中💔!!
所有過去已成美麗回憶, 每次諗起心情都係好難平伏!
 |
| 波波係行得無問題 |
波波腳仔痛應該有改善, 佢行得好好, 但每逢帶佢去尿尿, 佢舉起腳後就一直縮, 用3隻腳行到跌跌碰碰; 如果我抱起佢安撫, 再放返佢落地佢就無事, 我感覺佢係心理作用, 自己記住腳仔痛😔!
心理因素都好難settle, 唯有比時間等待, 再等治療師嚟確定佢係實質傷患未好, 還是心理因素啦!
困咗兩星期籠喇, 琴晚放返佢落網床, 等佢多少少空間郁動, 好彩今朝見佢無特別表現腳痛, 正常食嘢正常行到, 當然間中都係有吊腳, 都無符!
達達每餐都要餵, 我都唔知佢係唔開胃, 定比我縱慣出嚟, 總之我唔餵佢就唔食都無所謂, 都試過唔食就拎起, 結果都係我急佢唔急, 注定有呢個後果衍生出嚟; 如果祇係佢要我餵, 唔關乎身體有問題, 咁我無所謂餐餐餵!
依家連飲湯都要手抱住, 個碗遞到小姐口邊, 個惡女先會賞面, 放落碗架都無謂, 佢睇都唔會睇😖!
都唔明我點解會越養越曳, 依家佢當正自己係人仔, 坐要坐梳化, 瞓要瞓大床, 實行同我哋平起平坐, 以前咁將就波波, 依家郁吓就鬧鬼, 惡過老虎仔!
養隻狗狗都可以縱壞, 我自己都服咗, 慈母多敗兒, 都真係唔好再養喇!
 |
| 公主要瞓大床先舒服 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
