琴晚達達猛卒眼, 見佢眼白有少少紅, 唔太嚴重就決定觀察, 呢D豬仔有唔舒服最鍾意揀夜晚😖; 先幫佢用生理鹽水沖沖眼, 跟住戴頭罩, 無一定需要都唔想用藥喇!
見到佢戴住頭罩真係慘, 一刻都坐唔定兩頭衝兩頭行, 行到攰時瞓低一陣間, 又再起身衝啊...
達達除咗細時絕育戴過頭罩, 咁多年從無需要啦, 以佢咁嘅性格點肯就範? 見佢咁反抗我心痛㗎; 但我真係好怕好怕, 卒傷眼仔唔係講玩, 硬實心腸都要迫佢戴😢!
今早瞓醒後達達無再卒眼喇, 繼續用鹽水沖多兩次, 應該無事啦!
老公去咗旅行, 抱晒兩隻豬上床陪我, 好彩有佢哋陪伴, 唔使一個人自己瞓覺; 每次見老公獨自去旅行我都感歉疚, 但要放低D豬仔同行作伴我一定擔心, 我希望老公自己都可以好好享受, 我唔可以咁自私拖住一個愛出門睇新事物嘅人!
熄燈瞓咗一陣, 波波突然起身, 原來要poo poo, 但便便偏軟,最尾仲有潺又有水便滴漏!
已經係休息時間, 自己可以處理就唔會叫醒工人, 清潔好餵完順勢療劑, 見佢無特別不適就一齊上床再瞓!
一覺瞓天光, 見波波都精神, 見佢食嘢正常, 尾仔已經有返力放腰上, 以為可以放鬆吓; 比兩隻豬食完早餐, 一齊上床再瞓多一陣, 上次約好P姐姐今日再上門做復健, 等陣要金睛火眼學嘢睇到實!
上床都未合上眼, 波波又突然企起身, 好急咁向前衝, 又要肚痾仲要嚇死人....
今次比琴晚差, 痾完軟條狀跟尾有D潺, 清潔完pat pat放佢返上床, 未夠10分鐘佢又企起身.....
今次見到有少量血潺, 叫自己保持鎮定, 密集咁比順勢藥再加slippery elm, 唉, 有血真係嚇親!
食咗藥無再痾喇, 應該藥力發揮到功效, 見佢都精神, 但腳仔又差返😩, 真慘!
將今日午晚餐改為白粥加雞肉, 其他一切停服, 再觀察!
同P姐姐聯絡, 問問咁情況適合按摩嗎? P姐姐話改期啦, 比佢休息吓, 肚痾會好攰㗎, 唔想勉強做, 得出反效果啦!
臨門一腳先取消booking? 我根本唔會有咁嘅想法, 諗住將個時間pass比達達, 做到幾多都算喇, 非常唔好意思浪費咗人哋嘅時間嘛; 難得P姐姐主動提出改期，感激佢真心幫毛孩👍!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
