2018年8月8日星期三

往事如煙

今日喺FB睇到一個post, 毛孩媽媽在整理零食, 狗狗喺旁邊乖乖等候, 又令我想起從前....

以前當我坐喺餐檯前, 為3隻豬仔將零食細切, 豆b會飛快跑過嚟, 喺我旁邊轉轉轉, 又叫又跳!
波波就好disciplined, 轉兩個圈會乖乖坐喺我前面, 但個屁股仔唔貼地, 等到如箭在弦!

過去嘅幸福啊.... 已經永不復見😥!
豆b固然已經同我永別, 波波又失去視力, 都好少會轉圈....
達達對零食呢方面無太大改變, 佢係從來對零食無特別需要😔!

近來特別多感慨, 少少牽引都令我想當年, 莫非真係因為波波身體欠安康, 令我有困擾?
琴日阿女幫波波做reiki, 佢話波波扯能量, 咁即係點? 佢都祇係腳仔受傷都咁大牽連😖?!
還好達達算平穩, 唔係話佢身體好, 祇係同之前無好大分別, 咁起碼無更差我已甘心足願!

今日見到又一隻認識嘅狗狗離世, 當年有好幾次同狗狗一齊上過studio拍照, 媽媽仲同我一齊去過入門課體驗靈氣治療, 唔係祇網上傾談無見過面!
朋友嘅狗狗離世帶起傷感難免, 睇返多年前10隻狗狗嘅大合照, 已經有細半數上咗彩虹橋, 諗起從前, 往事如煙, 隨風飄遠....

4位小天使又可以喺彩虹橋上再見!