 |
| 相片連結 |
波波腳傷兩星期喇, 仍未康復, 已經做得嘅都做, 但都未好真諗爆腦!
唔可以話佢無進歩, 甚至曾有打算順勢療劑可以停服, 見佢都表現得幾好, 但一轉頭又見佢縮腳, 真苦惱!
可能隻豬年紀老, 老人家要更長時間康復, 唯有耐心等待, 希望佢傷患加速自我修補啦; 最衰我見唔到, 到底佢係點樣整到?
雖然腳仔受傷唔會致命, 但見佢情況反反覆覆我心情點會好? 瞓得唔好仲要發惡夢, 頭痛快壓力爆煲!
朋友狗狗甩骹最終都要做手術, 佢話見到狗狗隻腳仔吊吊揈, 又企唔到, 胃口又唔好, 無得揀手術一定要做; 衹係剪指甲少少拉扯搞到要做手術, 我心理上負荷更高, 同兩隻豬剪甲一向好似打仗, 今後心理上有咁大陰影更難做!
達達乞嗤情況一般, 無見到好大進步, 不過既然標籤説明都話咗改善需要數月時間, 都叫做有個目標, 去期望等佢慢慢變好, 總之無更差, 有輕微改善都係好!
真係唔好睇小打乞嗤, 原來可以影響好大, 咁耐以來都睇過唔同醫生, 又用過各種中西, 另類療法, 煩惱係咁難搵到方法搞得好😣!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
