 |
| 相片連結 |
澳洲嘅Homeopathic Practitioner真係好好, 從豆b開始, 佢哋嘅熱誠我一直feel到, 除咗會從旁幫助, 解答我問題, 亦比足夠鼓勵, 仲會支持整個療程行得smooth!
之前因應達達心有雜音問題, emailed同療師商討, 亦轉達咗Dr. Fung 嘅意見, 要喺邊方面多加留意, 要配合乜嘢療劑最好, 我希望有一對一療劑作保護!
Practitioner有比我意見, 亦準備比達達customized remedies作保護, 我最放心係用順勢藥無對身體器官做成壓力, 而過往達達亦接受得好好; 今次再為佢度身訂造, 加強咗我信心去行呢條路!
心臟病係一條唔可以逆轉嘅路, 無論用邊種醫療都祇想減慢惡化速度, 我選擇用順勢療法, 仲因為可以將兩隻豬情緒都照顧到!
達達去一轉診所真係好傷, 負面情緒高脹, 抽個血都要打仗; 姑娘話達達太激動血壓颷高, 對止血有影響, 手仔抽血後要紮住繃帶止血時間頗長!
波波仲無可能抽到血, 掙扎到表情扭曲唔尋常, 幾個醫生都唔敢硬來, 怕佢嚇到窒息丟命!
比佢哋咁大壓力點可能對身體無負面影響?
我哋一家再次為兩隻豬仔揀咗用自然療法呢條路, 雖然有時我自己會擔心揀錯, 尤其聽到朋友比相反意見, 認為唔見專科係無比機會幫佢哋, 難免沮喪, 充滿負能量, 但阿女有唔同見解...
佢話我都係信心不足, 無論揀點做, 我都會覺得自己可能揀錯, 但其實可能無錯到; 我哋永遠唔會知道另一條路嘅結果, 邊個敢保証行邊條路一定係最好?
唔同人會選擇唔同嘅路, 每隻狗狗性格身體反應亦唔同, 祇要清楚自己出發點係想佢哋好!
"走了一條路只能繼續相信, 盡力而為, 心安理得; 就算佢哋某年某月某日畢業走了, 你應該慶幸佢地冇需要時常出入診所, 飽受壓力驚一餐仲辛苦; 我哋從無祈盼佢哋做人瑞, 祇求佢哋開心生活得有質素; 波波達達已經好叻叻, 一切已超額完成, 亦享有滿滿嘅愛, 有媽媽24小時陪伴, 已經好幸福, 所以無論揀了咩都好, 祇要佢哋活得舒服, 唔需要後悔!
其實可能生命是有配額的, 你可以做的只是活好你被給予的每一天, 不只是幫狗狗快快樂樂過日子, 也包括你自己的生命, 學習平靜喜悅, 波瀾不驚!"
聽完阿女咁講, 感覺比較舒服, 事實兩隻豬仔性格太緊張, 每次出入診所好似打仗, 迫佢哋去做更多check up實驚到無命, 咁真係好?
我叫自己唔好搖擺不定, 人家好嘅未必對我係好!
阿女叫我 "唔好將「搵嘢嚇自己」變成我嘅人生目標... 驚一日少一日..."
感激阿女嘅輔導, 即訂順勢藥, 好有信心達達用特別配方會接受到, 效果一定好💪!
兩隻豬仔都有慢性病, 年紀漸大器官老化亦平常, 我但求幫佢哋舒舒服服咁做保養, 唔想比佢哋時刻帶住情緒壓力, 身體健康仲受影響!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
