學咗復健按摩真係益處大, 當然我唔會好似P姐姐咁專業, 亦無真正去上堂, 但P姐姐教咗我一般按摩要訣, 應付日常需要已經足夠喇; 起碼依家識跟住肌肉紋理推拉, 邊度要打圈, 邊度要按壓, 邊度需要推出去都做到, 如果亂按唔止幫唔到, 有可能弄巧反拙仲糟糕啦!
依家每日都會同兩隻豬仔按摩, 幫佢哋放鬆肌肉, 兩隻豬少咗出外散步, 運動量唔夠又怕會肌肉萎縮, 按摩變得好重要喇!
自從波波視力有問題, 同佢出外佢都唔敢放膽跑, 不過如果佢博命咁跑我仲怕, 突然喪跑勞動力太大, 拉傷肌肉仲慘!
達達嘛, 知道佢有心雜音後要加倍小心啦, 呢個女唔會慢慢行, 佢一係唔行, 一係就鼓住度氣猛衝, 好得人怕; 咁暴衝以前我怕佢傷腰椎腳仔, 依家仲要怕佢個心仔頂唔順啦!
以後出去都要限時步行, 行一陣就要休息, 都係最好坐住車仔遊街!
波波已經好接受比我按摩, 我可以同佢做曬P姐姐教我嘅所有步驟, 做得好唔好就唔知喇, 但都可以摸到佢嘅肌肉無以前咁硬, 見到有成績我已經好滿意喇!
達達都肯比我按一陣間, 有D部位佢會反抗, 會好似馬匹咁直立大嗌, 咁我就唔勉強喇; 務求令到佢舒服同可以放鬆肌肉, 循序漸進為上策; 心仔有事話要有如老佛爺咁恭奉嘛, 唔敢刺激佢喇!
不過每日都見佢有進步嘅, 我可以每次加長少少時間, 每次做完按摩後, 見到兩隻豬好舒服咁瞓覺, 就會好感激P姐姐唔吝嗇施教😍!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
