 |
| 相片連結 |
係咪自己年紀大咗? 定係太多瑣碎事煩住我? 我記性真係差咗好多!
以往中秋節會以月餅孝敬比天上嘅父母, 遙遠祝賀中秋節快樂, 雖然呢D係形式上嘅做作, 但都比心靈上一點安樂; 今年乜都忘記咗, 淨係拎住張時間表侍候兩隻豬服藥, 又中藥、西藥、草藥、順勢藥, 仲要分隔開時間, 個腦已經無quota記太多😖...
我都知咁生活唔健康, 好似我嘅一切依附咗喺兩隻豬身上, 我嘅人生已經比佢哋佔據咗, 但我一諗到除咗我, 仲有邊個會照顧得咁忘我? 佢哋祇有我啊!
日前波波生日, 匆匆忙忙整咗個蛋糕仔, 又出咗去照顧貓貓, 咁啱貓咪病咗, 搞到我陣腳都亂咗!
生日當日已經無陪住波波, 比平日鍚少咗😟, 仲忘記咗天上嘅豬豆, 忘記咗佢哋係twins, 點可能記得波波生日忘記咗另一個?
不過豆b一定唔會怪我, 唔會怪媽媽遲來嘅祝賀, 其實第二日已經記起, 有同佢補講句生日快樂, 但都係唔開心亦唔安樂, 袛好頼太多事煩住我!
我點會忘記小豬豆, 無數個日夜都突然掛到個心裂咗, 不過真係自覺失魂咗, 上年搞錯達達生日, 早咗一個月做蛋糕仔祝賀, 唉, 希望係忙中有錯, 腦退化唔好咁早嚟搵我啊😜!
還好仲記得今日係安安離開我8週年, 唔知佢有無投胎, 不過無論佢身處何方, 祝願乖仔每日都過得開心快樂!
達達真係唔讚得, 剛剛慶幸乞嗤打少咗好多, 呢兩日又嚟過, 好得唔夠一星期我都真係服咗, 亦唔知仲有咩未試過, 要點幫佢先係最妥?
唯有試加重'養氣'份量, 比1/3粒, 希望得到好效果啦!
阿女又出門, 又要餵貓貓, 姐姐回港聚頭嘅飯局我都推咗, 真係分身不暇搞唔掂囉; 不過忙歸忙, 幾隻毛孩比我嘅快樂, 又好難用言語表達, "子非魚焉知魚之樂"呢句無錯, 我甘心奉獻晒我嘅時間啊!
今日收到第二次補訂嘅藥喇, 頭尾一星期已到達, 上次等咗廿幾日, 真係驚寄失, 以後要預埋寄失嘅時間先得😣!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
