幾日前收到從台灣寄返來嘅中藥補充品, 今次買比兩隻豬主要想比波波補腎, 達達就處理佢嘅乞嚏同補心!
好多例証都反映佢哋用西藥反應大, 體質唔配合, 我真係好怕重蹈覆徹, 好似以前叻叻咁, 用西藥左修右補, 最後所有器官如骨牌效應咁冧!
都明白有時無得揀, 唔想放棄就要挺住向前行, 兩者取其優係必然選擇, 但仲有退路時我希望有得轉彎!
停咗比達達腦退化嘅西藥後, 肝指數有回落, 呢隻藥用咗超過半年, 佢表現分別唔大, 反而觸發咗肝酵素爆晒, 我對比佢哋用西藥真係有保留喇!
可惜波波控制蛋白尿, 唔用西藥唔可行, 已經試過順勢療劑, 中西草藥, 結果不如人意, 唔控制好蛋白尿會加重壓力比個腎, 唯有死死氣用西藥啦!
但早前帶達達見dr. fung, 就連佢都叫我試吓幫波波減藥, 事實勝於雄辯, 身體有不良反應無得假嘛!
今次兩隻豬用順勢療劑之餘, 想加上中藥補充品輔助, 希望可以減少用西藥, 減得一分都得一分啦; 先比達達試健心, 低劑量嘗試, 但好似唔多夾, 唔知係因為用針筒餵苦藥佢猛掙扎，感覺佢呼吸急咗, 我有D擔心, 自己又怕會唔會藥方唔適合, 為安全計唔敢再用喇!
波波試腎興, 佢唔識吞膠囊, 拆開加水佢好抗拒, 強餵又好慘, 藥性夾與唔夾要咁餵都係難, 用咗一次都係決定quit喇!
仲有一款, 要定一定神, 稍後再諗啦!
兩隻豬似乎都係夾順勢療法, 較溫和嘅選擇, 可能上天已經為佢哋做好規劃, 指引我條路要咁揀, 我祇要盡力做好本份隨心而行!
 |
| "跟著心中所想的方向前進, 路途就會顯明確清晰。” |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
