 |
| 相片連結 |
今日中秋節, 好隨意咁整咗兩個蕃薯月餅, 兩隻豬近來鍾意食脫水鹿心, 就當係餡包喺中心, 過節算係有應節食品啦; 自從豆b離開後, 過時過節已經再無做應節食物比佢哋, 更遑論佈置場景影過節相呢D大project, 就算出外取景, 都根本無咁嘅閒心!
原來一切都有限期, 真係要活在當下, 想做就要去做, 就算旁人笑你白痴都唔打緊, 最緊要自己覺得開心; 有朝一日限期到, 係會無心情再做, 況且人面桃花, 一切都唔同, 衹可以期盼喺夢境重拾呢種開心!
每逢佳節倍思親, 突然好掛住豬豆, 豆b你好嗎?
過節後我又將會好忙, 姐姐從外地返港要抽時間聚舊，阿女又要出門我又要兩頭走, 餵完貓貓又要餵狗狗; 但願幾隻大帝身體健康無恙, 咁都唔算難侍候, 我都真係奴才命, 只願毛孩安好, 一切順利別無所求喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
