 |
| 相片連結 |
好感謝澳洲嘅順勢療師, 對達達健康咁關注, 比我感覺唔係祇當一門生意, 佢係真心想幫隻豬; 上次email同佢商討後, 因應達達狀況為佢做customized remedies, 翌日已做好仲超快付運, 我付款後頭尾四日療劑已到手, 好感激佢哋貼心嘅service!
當然希望達達接受到呢隻為佢度身訂做嘅remedy, 對於順勢療法我已心無異意😆!
 |
早幾日又再開始, 比達達試吓之前買嘅最後一隻中藥補充品 '養氣', 從好低份量開始, 藥廠指引係每 2kg食1-2粒, 但我祇敢由1/4粒開始, 結果效果好好, 呢兩日都見唔到佢鼻水長流, 亦無好似機關槍咁接連住猛打乞嚏, 原來達達用咁細劑量就可以!
咁當然都有可能係之前用嘅順勢藥開始奏效, 因為指引有講需要幾個月時間, 但無論係點, 最緊要係幫到呢隻豬!
咁我可以再比'健心'達達試試, 等遲少少再減低份量, 一隻一隻慢慢咁試多一次!
 |
其實上次我都有調低份量, 自己知兩隻豬細粒又多事, 亦有參考其他人問藥廠嘅建議, 一隻 1.6kg嘅芝仔都叫比 1粒, 我都由1/3粒開始, 比咁輕份量都扯氣😩!
已經好小心, 睇咗好多Q&A, 真係無諗過達達接受嘅份量少得咁離奇, 自己諗太少劑量等同無食好多餘, 要見效果都要一定劑量先可以嘛, 點知差D比佢哋嘅反應嚇死😱!
原來達達祇可以接受咁少, 咁都見到效果, 我就決定少少咁比啦, 一段時間適應後, 睇睇有無需要再adjust!
達達無用西藥較易處理, 波波就唔敢再試喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
