我又買咗個新玩具, 不過係高科技產品, Field-Energizer氣場提升儀!
早前陪朋友買針灸筆時, 都有聽生產商講過, 將會生產呢件產品, 祇需放於室內, 所產生嘅微能量, 可以改善身體微循環, 當時無在意, 聽咗就算, 都唔關我事😜!
其實當日豆b身體有事, 我用針灸筆做治療時, 都聽講過, 照微能量針灸筆可以改善身體微循環, 但當時豆b迫切需要多D幫助, 我無心情知多D, 簡單睇咗說明覺得都合適, 就急急用嚟幫隻豬; 總之係非入侵性治療, 乜都要試, 但微循環係乜東東, 其實我唔知; 針灸筆都用咗咁耐, 自己認同有一定效果, 見有用就繼續用, 咁咩係微循環更懶理!
幾個月前帶達達見Dr. Li, 已經話達達症狀顯示微循環唔好, 早幾日再帶達達見Dr. Fung , 仲聽到佢心有雜音, 唉, 真係想死!
呢幾日個腦一路諗, 仲有乜嘢可以幫到佢...
突然記起呢個產品, 會唔會幫到達達豬??
從來無認真去認識咩係身體微循環, 今次我要睇得認真D, 究竟乜嘢係微循環? 到底身體嘅微循環有障礙, 影響有幾大?
 |
| 網上搵到嘅說明 |
上面呢張圖其實都講得好清楚, 身體微循環唔暢通, 影響好大!
網上得到嘅解釋如下, "微循環係微動脈與微靜脈之間毛細血管中嘅血液循環, 係循環系統中最基層嘅結構同功能單位.
人體每個器官, 每個組織細胞均要由微循環提供氧氣、養料,傳遞能量, 交流訉息, 排除二氧化碳及代謝廢物!"
睇咗好多資料, 心中有個簡單概念喇!
我幾隻豬仔用咗針灸筆呢 3年, 的確係少咗因為筋骨痛症要見醫生, 即使偶有疼痛, 但未至嚴重時, 我都可以立刻利用有關保健產品幫佢哋!
當然唔會因為有咗呢D保健產品就永無傷患, 長生不老唔使死😅!
近排波波膝關節移位, 呢類症狀就要靠復健按摩幫佢, 將移位嘅韌帶歸位, 不過配合埋照燈, 熱敷場效應, 針灸筆等等, 康復係可以快D!
講返個氣場提升儀, 顧名思義話可以提升氣場, 改善身體微循環, 如果真係做到個效果, 咁又唔想忽視😆!
但睇過件產品, 老實講外觀真係有D失望, 有D似個塑膠玩具, 而價錢方面都要考量😝; 有過思想掙扎, 究竟有無迫切需要添置🤔?
 |
我當然希望幫到兩隻豬仔改善身體健康, 反正屬非入侵性治療, 無副作用嘅我都想試, 而呢件產品有兩個歐盟認証, 証明對人同動物安全無害, 咁都放心D; 我有問過...我兩隻豬體型迷你, 對佢哋都安全嗎?
生產商答覆產品係經過多番測試, 絕對安全, 佢有提議可以循序漸進比狗狗適應, 唔好一吓開太長時間, 因為小動物對能量治療敏感度會大D; 兩隻豬一向有用開佢哋產品, 應該都適應容易!
我唔清楚市面上有無同類形產品, 亦唔知到底有無功效, 但如果真係對波波達達健康有幫助, 我唔想錯過咗呢個嘗試, 結果決定買....以我咁心急嘅性格, 仲要快😅!
再諗深一層, 呢個係空間提升儀, 放喺室內即係一家都受惠, 咁去諗 ... 咁計條數就抵返晒😜!
希望改善咗身體微循環, 幫助到兩隻豬嘅身體健康無差得咁快, 歲月無情, 要盡量搵D安全補救辦法喇!
有幾條link講及微循環, 大家有興趣可以睇吓!
https://www.msn.com/zh-hk/health/topic/%E5%BE%AE%E5%BE%AA%E7%92%B0%E4%B8%8D%E5%A5%BD%EF%BC%9D%E7%98%80%E5%A0%B5%EF%BC%81%E7%96%B2%E5%80%A6%E7%84%A1%E5%8A%9B%E3%80%81%E5%83%B5%E7%A1%AC%E9%85%B8%E7%97%9B%E5%88%A5%E8%BC%95%E5%BF%BD/ar-BBJjoaY
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
