今年寵物展, 原無要去嘅打算, 近年去都感覺無特別, 大多數嘅攤位都係推廣商業糧食, 與我無緣; 我兩隻豬仔食homemade 不經不覺都有 7 , 8年喇, 真係無再去嘅必要!
但阿女突然send比我一個訊息, 話林醫生會今日有個演說, 就因為呢個演講, 我決定出席今次寵物展; 即刻叫老公攞假, 打算去短時間行一round, 聽完個talk就算!
同大家分享林醫生喺facebook講嘅文章一篇!
Link:「 動物有情 • 好死 」講座 - 能治的，盡力治！治不了，求好死！
今年多咗好多藥膳, 連動物滴雞精都有出現😅, 無數咁多健康湯粒,天然營養粉等等、等等, 但我想法無改變, 一概唔要; 之前買過嘅湯粉, 湯粒, 兩隻豬仔係完全拒絕!
不過結果都算有D收穫, 買咗"大長生", 呢個一定唔可以話係新產品, 甚至我用嘅時候係好耐以前, 不過當時用嘅係達達, 用後無我預期希望有嘅效果, 無再用嘅必要; 但今次我係買比波波, 睇咗個簡介覺得好適合佢啊, 反正每個身體吸收唔同, 體質亦有分別, 我希望佢夾到, 幫到佢各方面!
為安全起見, 分別徵詢咗兩個醫生, 波波有蛋白尿呢隻產品可否食用, 會唔會帶來影響係負面; 兩個醫生都話可以試, 未有案例蛋白尿患者食後有壞改變!
另外又買咗蔬菜粉, 因為達達依家唔肯食脫水菜糧, 可能口味有變, 食到厭咗又口刁, 希望有個新口味刺激佢會賞面!
仲有買咗新口味罐罐, 3種口味仲未推出市面, 依家每日都要加少少罐罐做調味, 兩隻豬先會食到清碟, 去到呢個年紀, 只要唔太過份, 但求佢哋食得開心就心甜!
最後, 都係買咗零食, 本來兩隻豬仔健康問題, 唔可以再食得咁任性, 但見到呢幾款唔係肉類, 係made in USA嘅organic生果, 又唔高protein, 成份唔錯, 啱晒波波, 咁就唔使咁慘長期節制👏, 可以開開心心食多件!
即刻開咗試食, 連達達都非常比面!
非常慶幸我今日入場係因為林醫生, 無錯過咗呢個講座我好感恩, 聽完佢講後我感受好深; 我自己唔係無喺某個角度去諗, 但都會有搖擺時段, 但今日之後我會堅定自己, 一切隨心!
 |
| Link: Live Show 條片要到7:18先開始啊！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
