2019年1月21日星期一

時也、命也、運也

唉, 仲叫我同佢影張相留念

星期六晚阿女去文化中心聽管弦樂團, 順便去票務處幫工人姐姐拎門票, 琴日交到我手, 琴晚我就轉手交比姐姐, 叫佢收好, 唔好唔見呀!
見佢拎住三張飛開心咁笑, 我都受感染!
但意外呢樣嘢真係無得計算, 姐姐拎咗門票不足一日, 就要佢歸還, 要佢比返我三張門票!

今晚, 阿女send比我一條link, 叫我forwarded比工人姐姐, 叫我好好安撫佢情緒, 同佢講無大不了, 唔使失望, 總會有機會同天皇巨星再見面!

當我一睇內容, 真係唔敢想像姐姐嘅口面, 唔想面對佢嘅失望, 我應該點?
最後當然都係直講, 亦答應日後巨星重臨香港表演, 我哋會再送比佢門票!
但見到佢表情失落, 眼有淚光, 我見猶憐; 唉, 好明白呢種感覺, 但時也、命也、運也, 可以點....