 |
| 要佢食菜發晒老脾黑口黑面嘅臭達達 相片連結 |
達達好麻煩, 越嚟越討厭食菜, 可能唔鍾意加上supplement嘅味道啦, 以前無咁刁嘴, 加乜都食晒, 依家要佢食就好難, 一見我拎住佢碟菜就鬧, 都未食就將個面收埋😖, 還好食肉時仲係食得好快; 咁都好難搞啦, 少咗纖維管理佢排出poo poo就比較難, 都要諗仲有咩辦法🤔!
20日前帶達達去見熊醫生, 經過仔細檢查下眼仔無大麻煩, 話佢係微絲血管破裂, 眼內嘅血塊會自行吸收返, 叫我唔使怕; 呢段時間每日我都瞪大雙眼, 望住佢隻眼仔, 見到嗰撻血塊越來越細先放心咋, 今日檢查發覺已經褪晒!
自從波波眼仔出事後, 我對佢哋嘅眼仔超緊張, 波波失明呢件事對我打擊好大, 令我對醫生嘅判斷打晒折扣, 無咗應有嘅信任喇😢!
我嘅膏肓炎都好得七七八八, 每日都做埸效應、照燈、熱敷、低周波治療同按摩, 仲有阿女密密做reiki, 再加上朋友介紹嘅supplement 收到錦上添花之效, 總算復原得好快, 初時上網搜尋資料時, 見到膏肓炎感覺好麻煩, 好怕要搞好長時間, 依家咁算好托頼!
真係唔可以病, 唔可以身體有任何麻煩, 兩隻豬生活起居, 大小打點都要一手包辦, 唔好諗有任何倚靠, 無人可以好似我咁為佢哋奉獻出所有時間, 老公阿女都要返工嘛!
 |
| 希望食埋呢隻supplement我好快好返晒啦 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
