都睇過好幾本有關狗狗經穴按摩嘅書, 但從來無一本講得咁仔細, 咁條理分明; 一般有提醒按小型狗唔好咁大力, 但力度要點樣拿捏? 輕重點樣分得清😅!
呢本書, 一開始就極具吸引力, 每樣嘢都講得好清楚好易明, 甚至會教力度掌握可以用個磅去秤, 叫自己用手指壓落磅, 睇吓有幾重嘅力, 然後根據返自己狗狗身型去調整; 例如佢有講小型狗大概用 350-500g嘅力, 當按落磅調整到適合力度, 就按落自己身上做個對應, 超簡單又易明!
原來我之前幫兩隻豬按摩時, 一直力度太勁, 唔怪得達達唔比按, 波波都好似無耐性, 其實係唔舒服, 因為力度唔合適!
多謝阿女從台灣買比我呢本書, 比我有個指標去依循, 希望學到兩、三成, 幫助到兩隻豬仔健康有D得益啦!
另一本我都有興趣去探討, 究竟狗狗諗嘅同我諗嘅有乜野唔同, 希望之前有過嘅誤解, 日後我可以改正!
兩本書, 從生理心理都關顧到, 我要慢慢消化慢慢睇, 年紀大咗, 再做唔到一目十行咁勁😝!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
