見達達喺屋企悶悶不樂, 決定同佢出去, 行吓花園睇吓會唔會好啲; 其實我好猶豫, 自從波波離開後有啲怕推車仔帶達達出去, 好怕經過大堂管理處, 好怕管理員問起, 點解祇帶一隻出去?
 |
| 少咗打理公主淪落變乞兒妹 |
要我比佢答案我心情仲未ready, 想平靜咁同達達行吓, 咁傷心嘅事唔想提起亦唔想面對!
一出電梯低頭推車仔快步半跑出去, 其實人哋邊有咁好氣關心D豬, 但我真係未得唯有避得就避, 覺得自己黐黐哋😖!
唔知係太耐無坐車仔, 還是無咗波波陪喺身邊, 今次係第一次達達自己獨霸架車, 見佢頭耷耷無神無氣, 全程爬低, 我要抱佢出嚟安慰, 希望佢快啲習慣再無波波喺一齊!
其實自己都未可以調整好情緒, 又點怪得佢, 希望我哋一齊努力跨過去!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
