羊年初一 (w/album)

相片連結

大年初一, 再正式同大家拜年, 祝小朋友們精靈活潑, 笑口常開; 大朋友就悠然自在, 活得精彩 :)

年尾要忙嘅都七七八八喇, 一切都大致回復正常, 應該係時間仲較為寬裕,  因為兩餐都會食齋同糕點嘛; 3隻豬仔一直都照正常飲食習慣, 我架輕就熟啦, 所以今日可以騰出時間做我嘅大project喇!

拜早年! (w/album)

相片連結

原來依家係零晨兩點幾, 不經不覺已經係年初一喇,  同大家拜個早年, 祝大家羊年平安、健康、開心、幸福、一切順利 :)

我諗年三十晚每個人都忙喇, 我更不在話下, 正常咁做家務已經分身不暇, 何況要準備賀年食品, 老公話要煮齋喎!
由我懂性以來,  年三十晚深夜媽媽就煮齋, 到踏入初一全家會食少少先去瞓覺,  婚後老公跟隨我家俗例, 佢都養成咗呢個習慣, 所以叫我煮齋!

情人節 (w/album)

加隻電燈膽豆豆 :)
相片連結

遲嚟嘅祝福, 仍要祝大家情人節快樂!
琴日真係忙爆, 同3隻豬沖涼浸浴, 因為過年喇, 點都要用shampoo啦; 希望洗刷乾淨趕走晒D病符星, 哈哈哈, 真係夠晒八卦; 小毛小病無問題, 唔好嚇我就好喇!

忙裡偷閒

近日真係忙, 年近歲晚點都多D嘢做, 就算自己唔蒸糕都要抽時間出去買番幾底糕嘛; 仲有要家居清潔, 除舊迎新, 買咗幾件小家電, 有D煥然一新感 :)
最最開心係幫3隻豬做咗靚靚揮春啊!

唔識安排 (w/album)

相片連結

有好幾日無update3隻豬仔嘅近況喇, 都係no news is good news 啦, 無風無浪平靜咁過, 就無咩好講喇!

達達豬嘅乞嚏症狀算係緩解, 無日以繼夜咁打到全身都震晒, 暫時算係穩定狀態! 
至於佢甩毛情況, 就同之前走勢一樣, 越嚟越壞, 我已經好接受佢呢個循環, 再無好似以前咁歇斯底里咁想盡辦法! 
當然要做嘅我會繼續去做, 亦一定會希望今次毛毛休眠期過後, 毛髮都會再生返!

晴天霹靂

果真係福無重至, 禍不單行? 
雖然我遇到嘅唔可以稱得上係"禍"咁大件事, 但就煩死囉!

依家要請個工人好唔容易, 實在求過於供, 工人要揀工無可厚非, 鬼都想搵份工係無僱主監視; 幾經困難總算叫做有熟人介紹, 搵到個oversea,  碰巧佢來港旅遊, 應該都係主要搵僱主; 大家見過面傾談過都算係唔錯, 所謂唔錯只係比全未見過面, 隔山買牛較保險囉; 一切手續辦妥, 就諗住好快過渡呢段無工人嘅日子! 

食用深海魚 (w/album)

相片連結

3隻豬都鍾意食龍躉魚, 尤以達達為首, 佢真係好鍾意; 達達非常嘴刁, 每次開餐都係望吓就行咗去, 好似無咩特別興趣; 每次都係豆豆、波波都食完, 佢見到並無選擇, 先死死氣去食咗佢!

其實一星期7日, 每日我都蒸唔同肉類, 無理由咁無興趣, 唯獨蒸龍躉魚, 佢會九秒九食光佢!  
狗狗對食都無大興趣當然唔係好事, 達達身體咁多事,  甲狀腺低 、脫毛症、反射神經遲緩腳仔又無力, 仲要有抽筋症狀又牙仔有事攪到猛打乞嚏..... 

狗的遺憾：不能陪你慢慢變老 - 轉貼

1. 當你還沒出生的時候，我就感覺的到了你的存在。

原文連結: http://forum.gamme.com.tw/thread-44052-1-1.html


難以忘記第一次遇見你，以及和你度過的每一個快樂時光。雖然時間短暫不能陪你慢慢變老，卻希望會以另外的模樣重回你的身邊，看完後已淚奔！

古惑豬仔

琴晚半夜兩點幾, 達達又打乞嗤, 一整日都無事, 係都要半夜三更嚟整鬼你 :(
唯有從床仔抱佢岀嚟比佢聞氣, 抱住佢聞氣5分鐘佢完全無乞嗤, 亦無張開口仔呼吸, 一切正常!
咁聞完氣我放返佢落床, 以為無事, 但一轉眼就聴到佢呻鼻!

效果理想 (w/album)

相片連結

達達打乞嗤嘅問題真係令我好困擾, 雖然睇咗醫生話係牙仔結構問題, 無辦法扭轉形勢, 但見佢打得咁密, 仲嚟得越嚟越兇, 我有D驚!
佢打乞嗤嘅情況真係好嚇人, 一連串直落可以打十吓, 停一停又再嚟過, 如是者可以連續打三十個乞嗤啦, 見佢個頭仔"fing"到差唔多要甩咁, 我唔驚就假?

做到無停手

3隻豬真係好耐無浸浴喇, 有接近一個月, 但都無辦法啦; 波波整傷眼, 有傷口點敢攪, 萬一彈咗水落眼, 情況可以好壞, 見到依家都算OK, 上次覆診確認咗傷口好番,淨係眼仔仲有個白色嘅scar, 醫生話要等幾個月先會散; 雖然話無傷口, 但我都係小心D啦, 唔敢整濕佢面仔, 個頭仔都係用濕毛巾抹吓!
浸微泡好處係唔用shampoo都OK, 毛毛一樣清爽蓬鬆, 咁樣控制唔濕面較有把握!