 |
| 相片連結 |
達達打乞嗤嘅問題真係令我好困擾, 雖然睇咗醫生話係牙仔結構問題, 無辦法扭轉形勢, 但見佢打得咁密, 仲嚟得越嚟越兇, 我有D驚!
佢打乞嗤嘅情況真係好嚇人, 一連串直落可以打十吓, 停一停又再嚟過, 如是者可以連續打三十個乞嗤啦, 見佢個頭仔"fing"到差唔多要甩咁, 我唔驚就假?
前晚感覺好唔妥呀, 我一晚都瞓唔著, 抱住佢密密比佢聞氣, 我都只可以係咁幫佢啦; 但佢情況好似失咗控, 見佢打乞嗤打到脷仔都轉黑, 我好驚啊!
慌忙中唯有拎出氧氣比佢聞, 但達達好驚, 大力掙扎, 再刺激佢真係驚佢唔識呼吸, 只好將氧氣喺佢週圍猛噴, 心諗吸到少少都好啦!
呢一晚好長, 咁耐都唔天光......
諗住再帶佢比醫生望望, 咁打乞嗤非常不尋常!
當然我又上網, 探求吓呢類情況...
唔使講都係越睇越驚, 又話係腫瘤前期嘅先兆....
oh no!! 唔再睇唔要呢D負能量!
http://www.savh.com.tw/web/new/health/doubt950615.htm
喺等待天光嘅時候, 冷靜咁諗諗有咩可以再幫? 葉醫生話係牙仔刺激嘅問題, 咁我不防又試吓順勢牙齦炎藥喎, 反正都無晒辦法, 何防撞一撞!
之前我只餵達達鼻仔嘅藥, 係完全唔work, 今次加埋牙齦炎藥一齊餵, 效果竟然好理想, 食咗藥佢停咗乞嗤, 可以一覺瞓到天光!
咁我就唔帶佢見醫生, 繼續用順勢藥, 再觀望!
感謝有順勢藥, 達達嘅乞嗤控制得好理想, 呢兩日佢無再發作喇!
今日見到佢精神番, 肯出嚟行, 仲識八八卦卦咁鬧吓人, 我非常開心, 但願佢一日好過一日, 唔好再要我咁擔心喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
