回憶5寶生平

終於, 親手用陶土做好4隻狗狗, 希望有少少似啦, 我無完全跟足相片做, 相片無我腦中嘅形像咁真實, 因為每個唔同階段嘅狗狗, 都有唔同嘅變化, 我就跟隨自己嘅印象好啦!

寵物離世的情緒變化 - 轉貼

跨不過的坎

呢個時期我感覺醫生有熱忱

最近有動物義工問我是否會考慮領養動物? 佢從繁殖場救咗隻毛孩, 覺得我嘅條件好適合, 但我根本唔敢諗; 除咗難接受一次又一次毛孩離開嘅痛, 亦難接受香港嘅動物醫療太難搵個好醫生!

有8寶陪住

達豬係老baby

天氣太熱, 唔敢帶達達出去, 依家每逢天氣變異都感覺佢有啲怪怪哋, 瞓覺都反來覆去, 以前佢對天氣變化無咁敏感, 可能年紀大咗對氣壓轉變感覺差啲; 幸好有制氧機, 適時放佢入去, 佢都好樂意！

毛孩係家人

正當我仲講緊波波無再返嚟, 琴晚去完廁所一踏腳出嚟, 就見到波波嘅身影喺我眼前掠過, 我見到佢行去客廳梳化方向, 雖然好快但手仔腳仔郁動嘅姿態, 都睇得非常清楚, 我確定我無眼花唔會睇錯, 當然我即刻追出廳已經見唔到佢喇!

苦樂參半 (w/mp4 - Memories)

波波離開第9個月, 每晚瞓覺我都一定拎埋佢個帳篷床仔入房, 日間放出廳, 同往常一樣, 跟住冷氣定位; 不過我好耐無感覺到佢有返嚟了, 可能佢正適應新生活依家好忙!

時間與空間

最近我嘗試自己做陶土公仔, 第一個係模仿樂樂, 老實講一開始真係好enjoyed, 從無到有由一舊陶土做到一個型狀，過程好有快意!
一早知道做呢種手功唔容易, 但親手做起上來先感覺到個難度, 左改右改都唔滿意, 要克服意志, 唔好虎頭蛇尾!

探討制氧機

達達最近健康情況反差好大, 表現就如過山車咁忽高忽低, 好嘅時候會自己乖乖進食, 唔使拎住個碟放口邊不停鼓勵, 代表胃口好好因為唔使手餵; 養高齡豬仔要求真係會越來越低, 去到手餵肯吞就餵都無所謂,  最怕係對食物抗拒一路餵一路吐, 千百種食材配搭每次要唔同, 不停諗計仔....
養高齡毛寶嘅家長一定有共鳴, 我已經行過好多次呢條路, 祇要佢肯食點刁鑽嘅配搭都在所不計!

強烈對比（w/mp4 - Memory)

波波離開第8個月, 做咗呢個我最有感觸嘅視頻!

前一段日子, 曾喺FB上睇過一個video, 探討毛孩離世後會去咗邊度; 研究顯示肉體消亡後, 靈魂會喺我哋嘅維度裡停留一段時間, 而因為毛孩無條件愛我哋, 所以即使佢哋肉身已離開, 但我哋仍會感受到佢哋嘅陪伴, 慢慢佢哋就會離開去下一個緯度另一空間!

膽粗粗手功改動

終於大功告成, yeah!

我嘅陶土公仔手工改動終於完成, 呢個改動原來都頗繁複, 對我嚟講, 修改部份都好大工程, 事實真係唔敢太大改動, 自己功力有限怕最後唔成功😜!

母親節2021

新冠病毒疫情一波又一波, 之前仲要一人感染變種病毒, 就要全幢樓嘅住客強制入住隔離營, 真係擔心;  一幢樓咁多人, 已經無關乎自己一家小心, 萬一要隔離我當然係對達達最唔放心!
還好後來政策又有改, 放寬咗強制入住檢疫中心🙏🙏🙏!