 |
好勤力好勤力咁幫3隻豬仔做保養, 場效應治療, 照紅外線燈, 當然微能量彩光針灸筆唔少得; Ka嘅狗狗呢兩日有少少震, 達達隻腳仔又係震騰騰, 唔通呢個天氣又係高危時份?
Ka即時比順勢藥餵狗狗, 再同佢照針灸筆同紅外線燈, 之後帶佢去做色光治療, 狗狗已經無事, 好幸運!
真係要及時做處理, 有事要盡快將方法尋!
其實一見達達有腳震, 我都第一時間餵順勢療劑, 不過就時好時壞; 達達係關節移位, 連針灸都幫唔到, 順勢療法都只係可以舒緩吓; 不過佢唔痛, 都識就住行, 我就做多D物理治療,再幫佢按摩吓, 希望佢會舒服D啦!
反而波波、豆b呢對twins, 有事我就唔知點算喇!
還好食藥後可以將疼痛中止, 但往後嘅日子....如果佢哋再有事, 我點死 :'(
之前就話配好備用藥看門口, 依家....有藥都唔敢比佢哋喇, 食開嘅兩隻藥, 對肝腎有事嘅狗狗, 係有risk!
尤其係豆b, 真係無可能再食chemical drugs, 可惜順勢療劑對佢哋嘅劇痛又保唔住, 所以唯有又敷又照, 盡量做多D!
今日豆b又唔肯食嘢, 龍躉cupcake都無興趣, 咁反覆我真係想死, 都唔知要煮咩比佢 :(
依家已經將甚麼高低蛋白放埋一邊唔理, 但求佢肯食就乜都比, 起碼要有氣力, 先可以有本事fight落去嘛!
 |
| 好彩仲有精神,仲會聞吓達達 :) |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
