 |
| 環境好好嘅診所 |
琴日帶豆b入元朗見Dr Fan, 幾十年無入過元朗, 對我又係一個大突破; 如果唔係Ka帶領我, 又唔會成事, 我呢D路痴真係咪攪我!
從星期四開始, 已經行唔安坐唔落, 做咩都無心機!
其實都明白豆b嘅情況, 都無期望有轉機, 已經過咗近4個月(時間真係過得快), 都想check吓個近況!
其實表面睇豆b情況唔係咁壞, 不過精神胃口都係飄忽, 咁情況我擔心㗎; 動物容忍本領好高, 我唔知佢有無盡量死忍, 一發作就不可收拾!
但係與唔係都不由人, 自己調較好心態接受命運!
等呀等, 一早起身就望住個鐘, 下午3點先到個appointment.
終於見到樊醫生喇, 詳細交待豆b情況, seeking for 佢嘅opinion!
今日真係史無前例, 由下午3點到8點都留喺診所, 馬拉松診症, 超聲波, X-ray等等, 仲有排山倒海咁多狗狗求診, 都無辦法避免要痴痴地等喇!
難為Ka帶住狗狗陪我乾等, 累埋HH豬等到攰晒, 多謝佢支持我呢份關心!
豆b情況好複雜, Dr Fan建議我最好睇專科醫生, 除咗一早知嘅肝腎問題, 再驗埋UPC詳細蛋白尿確診, 結果報告差到驚人, 再任由咁勁嘅尿蛋白衝擊個腎, 好快冧; 雖然我抗拒chemical drugs, 但都要向現實低頭, 接受命運, 希望配合西藥同順勢療劑, 會比返我些微信心 :'(
最傷心係發覺原來豆b係個膽最差, 之前話肝硬化, 可能都係膽嘅問題, 上次照得未夠清楚卦; 實在太多因素影響, 儀器, 角度, 判斷等等問題, 好難追尋!
Dr Fan話最怕膽管塞, 咁就拜拜喇, 但呢樣無藥可食, 只有動手術啦; 要去專科做評估, 再驗一大餐, 豆b仲要高風險, 佢本來已經唔適合麻醉, 依家身體咁差, 無可能挺得過啦, 我唔要佢死喺手術檯上啊!
我明確表示我唔會比豆b做呢種手術, 無得博嘛, 反正豆b未去到呢個關口, 無謂攪啦; Dr Fan話超聲波顯示豆嘅膽size尚可接受, 但真係太多沉澱物, 如果我選擇放棄手術呢一環, 就試試用藥幫吓啦, 希望佢膽管唔塞, 咁不防試吓!
 |
| 媽媽大頭蝦唔記得帶圍巾, 豆b噴濕咗身凍到震, 多得姨姨件衫咋! |
唉, 琴日大風大雨,長途拔涉, 再加上長時間等候, 我已經呆呆吽吽; Ka話我冷靜, 其實當時我只係表面有反應, 腦中一片空白啦; 但自己早有明確決定, 唔要豆b受無謂嘅痛苦, 何必久延殘喘於世間?
只要係唔辛苦嘅治療同檢查我會盡量配合, 到呢個階段已經無得揀唔食西藥喇, 大前題係要佢唔辛苦啦; 但Dr Fan無反對我用順勢療法, 我會相管齊下!
會將豆b情況同澳洲順勢療師商討, 再為佢配適合嘅療劑啦!
琴晚返到屋企都夜喇, 無胃口食飯, 頭痛到爆!
最後, 多謝好多好朋友關心豆b, 我收到好多whatsapp, 但實在無心情一一回覆喇, 目前我需要一D空間, 請原諒...比我一D時間!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
