 |
| 瞓住sore no more紅外缐氈，再做護肝color puncture |
豆b唔肯食飯, 粉麵全部無興趣, 但又要加碳水化合物比佢, 好麻煩; 唔想日日打糊猛塞落佢口, 咁食嘢好慘, 要諗個辦法!
雖然話有蛋白尿要控制蛋白, 但都唔可以無蛋白質落肚嘛, 其實雞蛋係最容易吸收分解, 但一連兩次豆b食完都嘔晒; 我已經用不同烹調方法, 又炒又烚, 但佢會連食咗嘅嘢全部嘔返出黎, 嘔凸晒 😞
見佢嘔完咗兩次體重急速下降, 得返1.44kg, 心都實埋！
咁真係好難攪, 廹於無耐唯有學整蛋糕啦, 從來最憎做餅, 為咗佢哋咩都要做喇; 以前都有試過做蛋糕㗎, 但就是是但但, 無咁好氣要用分蛋法; 依家豆b咁麻煩, 胃口麻麻, 我怕做得唔好佢又嫌硬, 唯有試吓分蛋, 將蛋白打硬啦!
真係打到手都軟晒, 如果豆b肯賞面, 要買番個電動打蛋器喇!
第一次只做牛油蛋糕, 睇吓佢有無興趣啦, 還好佢都肯食晒; 每次我都做好少份量, keep住新鮮嘛; 見佢肯食信心就大, 第二次 再加埋黑芝麻粉, 補腎嘛!
唔知係照咗綠光嘅關係, 還是Ka嘅金字塔治療有效, 琴晚同今早豆b都好似個餓鬼咁, 追住D食物呱呱叫, 團團轉啊🙂
 |
| 好勤力啊, 照照照, 不分早晚! |
其實依家佢鍾意食乜我都盡量遷就, 但求唔太過份就算喇, 好難做得完美無瑕; 3隻豬都最愛食龍躉, 就滿足佢哋要求啦; 都有求教澳洲嘅整體動物醫生, 佢哋都係咁話 - 如果佢唔鍾意食你指定嘅食物, 而要食一D唔係咁適合嘅, 但整體嚟講, 食當然係佔優啦, 唔食能量就會消失嘛!
今日幫佢量過體重, 升返到1.527kg喇😉
偶然睇到FB上嘅分享, 有樓主講及自己嘅狗狗肝硬化, 食咗某些藥後, 維持住良好狀態有兩年時間, 建議咗幾隻藥; 當然呢個post比到我好大鼓舞啦, 但藥始終都唔敢亂服嘛!
唯獨其中有一隻藥, 葉醫生曾經開過比豆b, 咁又唔同啦; 睇過成份係vit B加奶蓟草, 都屬補充嘅一種, 咁決定買番嚟跟返上次嘅份量, 比豆b服用!
薊
奶薊
奶薊
見到豆b都仲算精神, 我就唔擔心咁多住喇, book咗兩星期後見Dr. Fan, 再睇睇過咗呢幾個月後, 豆b情況有無keep到唔太差啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
