 |
| 相片連結 |
講出嚟好似好誇張, 但我呢幾隻豬都臭脾氣, 萬一發生互相碰撞開打, 我可以立刻控制情況, 我承認我呢媽媽係超緊張 :)
聽落就好似過份緊張, 但意外係難以想像, 萬一真係打交跌咗落地, 就一定會受傷; 松松係玻璃骨, 就算從一張椅嘅高度跌下, 我都唔敢想像, 事實係見過松松從床上跌落地都救唔返, 從一級樓梯跌落嚟都斷腳!
將琴日影嘅相放上FB同朋友分享, 即刻有朋友send訊息問我豆b嘅情況, 佢話相中嘅豆b都唔似有病, 無可能係病入膏盲, 我都真係唔識答, 目前豆b究竟係乜嘢狀況!
我唔係無中生有話豆b有重病, 做咗血檢, 尿檢, 超聲波同X-光, 係數據話比我知佢病情唔尋常, 肝臟體積縮細又有腹水, 腎臟結構又有異狀, 仲有咁嚴重嘅蛋白尿, 我都係被迫要接受佢呢個病況 :'(
正如Mi所講, 豆b嘅病情好似謎一樣, 除咗胃口改變, 其他又無太大嘅異乎平常.
咁當然無可能好似無事一樣, 佢係有比平時更懶洋洋!
但去到肝硬化腹水呢個係肝病晚期嘅狀況, 豆b個樣又唔似步向死亡, 佢仍然有氣力同波波嗌交, 一隻老虎仔咁樣!
我相信順勢療法對豆b係好work, 尤其豆b用嘅係custom made嘅藥; 當然配戴住微能量鏈墜, 再加上每日根據肝腎穴位, 勤力用無針針灸筆照射, 都一定有幫忙!
豆b嘅體重一直有下降, 呢4個月裡面已經輕咗7%, 我已經盡我所能適應佢嘅胃口, 但無奈佢吸收方面應該有屏障!
都只可以盡量幫, 事實豆b時常有反覆嘅狀況, 今朝早餐連魚同蛋都唔肯食, 好彩中午又回復正常!
老公叫我平常心, 已經係盡晒力去幫, 就算見佢情況變差都唔使心慌, 稍有改善亦唔需要雀躍, 要我接受佢嘅病況!
唉, 我明白㗎, 但明白同做得到, 根本係兩樣!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
