呢兩日豆b情況較為穩定, 當然直接影響我心情, 呢段日子以來, 見佢多數行得無咩力, 今日見佢開始行得紥實咗, 我當然高興!
可能食返多咗, 有返多D氣力, 雖然佢仍然係好揀食, 但只要佢肯食, 我就隨佢胃口去調整, 起碼大家無壓力, 最開心見到佢食得開心, 高高興興!
因為豆b唔肯食蔬菜, 所有南瓜蕃薯, 同平日食開嘅脫水菜無辦法唔停, 但淨係食肉又影響正常營養嘅吸收, 又唔想梗塞佢食, 唯有諗個辦法做得較彈性!
見佢呢兩日都幾好胃口, 好比面咁食我做嘅cupcake, 今日就用咗南瓜乳酪去再做咗幾個比3隻豬仔食; 當然豆b係主角, cupcake係為佢而整啦!
加咗好多南瓜做主要成份, 再加上原味乳酪, 等佢腸道增加多D益生菌, 希望食咗南瓜都唔會poo poo太稀啦!
如果佢肯keep住食, 往後試吓加其他蔬菜成份, 睇睇情況再決定!
 |
| 希望豆b繼續 keep到 |
今日同朋友講起順勢治療, 佢好質疑呢個醫療方法, 叫我上網睇睇有好多騙子, 導人迷信有好壞名聲; 佢話實在好唔明白, 點解信嘅人好似入咗邪教, 上曬身咁架!
佢話近日見我治療豆b嘅方法好古靈精怪, 咩金字塔, 咩色光, 咩能量鏈呀...所有都偏離正軌, 佢都不予置評;)
咁我都無唔遵從獸醫嘅辦法吖, 佢哋建議嘅藥都有比豆b食, 只不過係再搵多D無傷害嘅辦法, 我唔想咩都唔做, 都希望會有D好消息嘛!
 |
| 難道動物真係識選擇乜嘢係適合? 豆b照紅色好快走佬, 照綠色好乖乖, 可以照好耐時間 |
 |
| 唔會忘記呢兩隻豬都要做保養啦 |
其實呢個課題真係好大爭議性, 個討論亦唔係一朝一夕, 人家用邊種療劑, 請教邊個療師我唔知, 唔知內裡原因, 而作評論太唔公平, 我無comment!
我信順勢療法, 全係3隻豬仔作引証, 當然無例外於開始時都係半信半疑, 但當時又無其他更好方法, 就辜且試吓! 不經不覺都用咗有兩年幾喇, 我已經再無懷疑, 澳洲呢個品牌嘅療劑, 事實對我幫助好大, 有太多實例作引証!
但我真係好懷疑, 如果無實質嘅支持, 即係用咗療劑後完全無效, 有無人會被催眠咁繼續試㗎?
如果係全無幫助仲可以導人相信, 真係一流嘅催眠師!
但我呢3隻豬, 仲有好多朋友嘅狗狗, 都確實得到實証, 好多方面嘅病症都得到緩解幫助; 有多一個方案選擇, 你亦有自主權是否想試, 根本爭論係毫無意義, 又無人強迫, 點解要咁偏激呢?
係真係假, 有效還是玩耍, 自己試過就知啦; 咁當然, 即使係主流嘅藥物, 正統嘅西藥療法, 都係有人得到效果, 有人又全無反應嘅!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
