前兩日Ka同我講, 佢朋友狗狗又出事, 企唔到行唔到, 已經即帶狗狗就醫; 呢隻狗狗椎間盤有問題, 之前已經手術都做咗兩次, 今次醫生話無得再做喇, 佢朋友係幾咁絕望可想而知; Ka一向熱心, 佢提議試用靈氣治療去醫治, 放工後即去睇狗狗, 佢話盡力試一試!
當然Ka功力未及老師, 但無入侵性嘅治療, 無妨一試, 佢朋友亦已經無其他途逕可選擇, Ka嘅提議佢同意!
琴日Ka話比我知, 當晚幫狗狗做完治療, 感覺狗狗頸位已經有舒緩咗D, 然後佢返到屋企, 就收到朋友嘅message, 話狗狗竟然可以企起仲行咗兩步, Ka開心到喊咗出嚟; 幫到其他狗狗, 又加強咗佢自己有呢種能力嘅信心, 真係上天嘅恩賜!
佢朋友已經即時預約, 盡速帶狗狗見老師!
呢D另類療法, 一直備受質疑, 無親眼見到效果, 你就算有開明嘅態度, 都會半信半疑; 但當自己親身有過體驗, 就唔會再懷疑!
Ka一開始係帶佢自己嘅狗狗去做治療, 見証效果後就深信不疑, 然後報名上課, 有更深入瞭解, 又親眼見到更多, 所以佢推介比我; 老實講我唔係無聽過reiki, 亦曾經去上過入門課, 對我係零感覺囉!
但我信Ka, 所以帶波波見老師, 反正無傷害,不妨試試; 第一次老師有解釋過波波情況, 不過做完後我係唔見有乜明顯效果, 因為波波無明顯不適, 佢唔係痛症, 一做治療就會見到分別囉; 但我信任老師, 信任靈氣治療係可以幫到我!
第二次, 老師再用立體圖畫解釋清楚, 我好放心比佢幫波波, 但最令我驚奇, 係我親眼見到老師幫波波用reiki收乾眼淚, 千真萬確!
之前做治療係靠信任去支持我, 老實講治療內臟我邊會咁快見到效果, 但當我親眼睇過波波一泡眼淚, 即時比老師對手摸住就無咗, 就深信不疑囉!
無論他人講幾多, 千言萬語, 都不及你親身嘅體驗, 即使係一個好少嘅分別, 都會比到好強嘅信任效果; 波波到今日眼仔仍然維持住正常, 無之前咁成日眼涙汪汪, 呢個親身見證, 實在比咗一個好大嘅信心我; 亦令我明白點解Ka咁熱心, 推介呢個治療比我!
曾經問, 點解唔比我早D遇到? 咁豆b可能有希望…
不過上天自有安排, 可能豆b命數係注定咗, 一切緣份都係上天帶領住我!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
