 |
| 相片連結 |
琴日又帶波波見老師, 經過上次可以做好波波眼淚咁神奇, 我更信任靈氣治療幫到佢; 今次一見老師, 我急不及待, 𣾀報波波無咗一泡眼淚呢件事, 請老師幫佢再做多次!
再同老師講波波會卒眼, 眼科醫生話佢係敏感, 基本上敏感呢樣嘢係無得痊癒, 配咗眼藥膏話有必要時就比佢用, 只此而矣; 我之前亦有問過Dr.F意見, 佢就話最保險就用生理鹽水沖洗, 安全方便, 我呢段期間一直係採用佢呢個建議.
老師話可以再試做reiki, 當佢將雙手放喺波波眼仔兩旁, 就感應到波波有一邊係差D; 我即時好錯愕, 無錯波波每次都係卒同一隻眼, 咁都feel到真係令我詫異!
琴日做完, 一直到目前波波反應都好好, 無卒眼亦無過多淚水, 希望可以keep到耐D啦!
 |
| 波波眼仔仲好好喎 |
上次老師發覺隻豬眼仔淚溢, 今次又發覺到波波氣管都唔得, 今次老師幫波波治療埋氣管, 佢呢兩日真係完全無咳; 波波一直都有呢個毛病, 間中係有兩聲咳, 近來半夜都聽到過佢咳, 但唔嚴重我無放喺心喇, 小小事唔想咁擔心, 太大壓力比自己都係唔得!
越嚟越覺得靈氣治療好神奇, 越嚟越比到信心自己, 因為見到波波樣樣都有進步, 呢兩日胃口好到離奇, 無再扭扭捏捏肯自己食😊!
可能花藥有幫到自己, 可能信任有reiki, 我覺得自己都輕鬆咗又正氣😆!
琴日做完治療比波波出去跑咗一round, 感覺佢D活力返咗嚟喇, 好開心, 波波要加油要再叻仔D💪!
因為阿女已報名學reiki, 需要一個大公仔做道具, 去學習雙手擺放嘅位置; 所有大型毛公仔屋企都無晒喇, 送嘅送丟嘅丟, 實在無多餘空位放呢D啦, 要再買喇; 諗住平平哋買個返嚟, 用完再送走佢!
店家出錯貨喎, 收到嘅係另一款, 根本唔啱用, 但我完全無激氣; 當我拎住到咗我手上嘅呢個公仔, 感覺佢嘅神態好似豆b, 個樣都係傻痴痴!
即刻拎咗豆b件衫, 極速同比佢著上, 呢個公仔同我有緣份, 就當佢係豆b啦😂!
Link - Good Vibrations: Healing Your Pet (and Yourself) With Energy Medicine
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
