 |
| 相片連結 |
琴日又帶波波見老師, 一星期兩次勤力過返工嗰時😉!
隻豬仔熟咗地頭做治療時比較容易, 起碼無咁緊張眼仔凸起, 咁當然做到正骨有一定拉扯力, 又熱又扯住佢唔會鍾意啦!
琴日一開始佢都好OK, 笑笑口坐定配合老師, 老師話一般都先做內臟等佢先感覺舒服D, 然後正骨就開始!
其實波波琴日好乖, 前段正骨我見佢忍住忍住, 老師都話呢個過程唔會係舒服, 係要做完佢先會感覺鬆D; 見到波波好努力配合住, 我好少見佢咁專注, 我自己都唔敢郁驚分散咗佢注意!
好成功做咗一part, 連老師都猛話佢乖, 跟住再繼續就耐性有限, 又要同佢講數, 數幾個1、2、3😁！
今日Ka比我睇咗一段短片, 佢朋友隻狗狗已經可以企到仲可以行, 經過老師一次嘅治療有咁好成績, 我諗狗狗媽咪會開心到喊; 我雖然同佢並唔相識, 但知道狗狗有咁好成績, 仍想同佢講句要加油努力!
睇到一個又一個案例, 見証一次又一次奇跡, 令我對靈氣治療更想多加認識; 咁當然凡事都唔好有over expectation, 老師都話佢唔係神, 唔會有神蹟, 好多成功要多方面配合, 但起碼要願意付出努力!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
