 |
| 醫生話穴位針灸對病情會有幫助 |
今日波波覆診, 又見林醫生!
今日見醫生, 波波情緒頗安穩, 比上次見醫生時較放心, 佢任由醫生撫摸按壓都無再震騰騰😊!
 |
| 用無痛針灸筆輔助, 加上色光針對個別器官好OK |
醫生先用手幫隻豬把脈, 然後再用聽筒聽心; 醫生話波波脈像比上次有力, 一放手上去已經有明顯感應, 上次脈像細, 要feel得較費心, 係有進步嘅; 聽筒聽心都無異常無雜音, 但中醫理論佢仍屬氣虛需要護心, 當然都要顧住個腎, 今次配嘅藥都係主力健脾安神, 溫陽補腎; 咁首要一定係食得同有覺好瞓😀!
 |
| D藥好香, 餵佢無難度👍 |
我幫呢隻麻煩豬用過咁多不同治療方法, 唔係樣樣都稱心, 今次感覺波波對中藥頗有良好反應, 我真係好開心; 應該會繼續行呢條路, 內在用中藥調理, 再加順勢藥輔助, 之外用埋靈氣治療, 然後返西獸醫化驗評估, 希望咁做會可行!
醫療係一條艱苦嘅路, 一路前行都會遇到變數, 尤其剛經過豆b一役, 可以話我係一步一驚心.....
但願我可以拖住呢隻豬昂首邁步, 可以再行好長好遙遠嘅路!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
